हे ही वाचा : घराजवळ शौचास बसला होता, घरमालकाने गच्चीवरुन फेकून मारली फरशी, तरुणाचा मृत्यू; मृतदेह रस्त्यावर ठेऊन नागरिकांनी केला रास्ता रोको

'बाबा मला वाचवा'

उमरदीन यांचा 15 वर्षांचा मुलगा तहजीम मंगळवारी संध्याकाळी ट्यूशनवरून घरी परतत होता. वाटेत त्याने पाहिले की काही मुले त्याच्या मित्रांना मारहाण करत आहेत. त्याने मध्यस्थी करण्याचा प्रयत्न केला असता, त्या मुलांनी तहजीमलाही पकडून बेदम मारहाण करण्यास सुरुवात केली. घाबरलेल्या तहजीमने तातडीने वडिलांना फोन करून 'बाबा मला वाचवा' अशी विनवणी केली. मुलाचा आक्रोश ऐकून उमरदीन आपल्या पत्नीसह तातडीने घटनास्थळी पोहोचले.

छातीवर गोळी झाडून हत्या

उमरदीन तिथे पोहोचले तेव्हा हल्लेखोर अधिकच संतप्त झाले. आरोपींपैकी एकाने पिस्तूल काढून आधी हवेत गोळीबार केला आणि त्यानंतर थेट उमरदीन यांच्या छातीवर गोळी झाडली. रक्ताच्या थारोळ्यात पडलेल्या उमरदीन यांना तातडीने गुरु तेग बहादूर रुग्णालयात नेण्यात आले, मात्र तिथे डॉक्टरांनी त्यांना मृत घोषित केले. या घटनेमुळे परिसरात तणावाचे वातावरण असून उमरदीन यांच्या कुटुंबावर दुःखाचा डोंगर कोसळला आहे. त्यांच्या पश्चात आई-वडील, पत्नी, चार मुली आणि मुलगा तहजीम असा परिवार आहे.

हे ही वाचा : प्रेयसीने धोका दिला अन् प्रियकराने 'असा' बदला घेतला! रात्रीच्या अंधारात तरुणीच्या घरात शिरला अन्...

तपास अजूनही सुरु

घटनेची माहिती मिळताच पोलिसांनी गुन्हा दाखल करून तपास सुरू केला आहे. परिसरातील सीसीटीव्ही फुटेजची तपासणी केली जात असून प्रत्यक्षदर्शींच्या माहितीनुसार काही संशयितांची ओळख पटली आहे. आरोपींना पकडण्यासाठी पोलिसांनी अनेक पथके तैनात केली आहेत. किरकोळ भांडणातून एका व्यक्तीची अशा प्रकारे हत्या झाल्याने दिल्लीतील कायदा आणि सुव्यवस्थेवर पुन्हा एकदा प्रश्नचिन्ह उपस्थित झाले आहे.