Gadchiroli Crime : 5 जणांच्या हत्याकांडात सूनेच्या मित्राची एन्ट्री, तपासात काय आढळलं?

Sanghamitra Kumbhare Gadchiroli mass murder case : गडचिरोली (Gadchiroli) जिल्ह्यातील अहेरी तालुक्यातल्या महागाव येथे 20 दिवसात एकाच कुटुंबातील पाच व्यक्तींचा मृत्यू झाल्याची घटना घडली होती. या घटनेचा कसून तपास केला असता पाचही जणांवर विषप्रयोग करुन त्यांची हत्या करण्यात आल्याची माहिती समोर आली होती. या प्रकरणी पोलिसांनी तपासाची चक्रे फिरवून घरातील सुनेला (sanghamitra kumbhare) आणि तिच्या मामीला अटक केली होती. या सर्व घडामोडीनंतर आता पोलिसांच्या हाती मोठा पुरावा लागला आहे. पोलिसांनी या प्रकरणात सुनेच्या मित्राला अटक केली आहे. त्यामुळे या घटनेला नवीन वळण मिळालं आहे. (gadchiroli mass murder thallium poisoning case police arrestes sanghamitra friend avinash tanjane accused roza ramteke)

कुटुंबातील पाच नातेवाईकांवर विषप्रयोग करून हत्या केल्याप्रकरणी पोलिसांनी आधीच सुन संघमित्रा कुंभारे (sanghamitra kumbhare) आणि तिची मामी रोजा रामटेक हिला अटक केली होती. या अटकेनंतर आता या प्रकरणात तिसऱ्या आरोपीची एन्ट्री झाली आहे. हा तिसरा आरोपी सुन संघमित्रा कुंभारे हिचा वर्गमित्र आहे. त्याचे नाव 25 वर्षीय अविनाश ताजणे आहे. तो बुलढाणा जिह्यातील खामगाव येथील रहिवाशी आहे. आरोपी ताजणेला 27 ऑक्टोबरला रात्री 10 वाजता अटक करण्यात आली आहे, अशी माहिती गडचिरोलीचे अप्पर पोलीस अधिक्षक यतीश देशमुख यांनी दिली.

हे ही वाचा : Ajit Pawar Health : अजित पवारांना डेंग्यू, प्रफुल्ल पटेलांनी काय दिली माहिती?

तिसरा आरोपी संघमित्राचा वर्गमित्र

बुलढाणा जिल्ह्यातील खामगाव येथून अटक झालेला अविनाश ताजणे हा आरोपी सुन संघमित्राचा बालपणीचा वर्गमित्र आहे. त्यामुळे लग्न झाल्यापासून सासरी होणाऱ्या जाचाची माहिती संघमित्रा वेळोवेळी अविनाशला द्यायची. तसेच या हत्याकांडात संघमित्राने अविनाशची मदत मागितली होती. विशेष म्हणजे,ज्या विषाचा वापर करून संघमित्राने तिच्या सासरच्या कुटुंबियांची हत्या केली, ते विष आणि इतर ऑर्गेनिक प्रकारचं विष अविनाषनेच कूरिअर व इतर मार्गाने तिला महागावला पाठवले होते.

दरम्यान आता पोलिसांनी विष खरेदी केल्याचे तांत्रिक पुरावे हस्तगत करत आरोपी अविनाशला अटक केली आहे. या अटकेनंतर पोलिसांनी अविनाश ताजनेची चार दिवसांची पोलीस कोठडी मिळवली आहे. याचसोबत संघमित्रसह रोजा रामटेक यांच्याविरूद्ध अतिरीक्त चार दिवसाची कोठडी मिळाली आहे, अशी माहिती यतीश देशमुख यांनी दिली. आता या प्रकरणात पोलीस अविनाश आणि संघमित्रा हे फक्त मित्र आहेत की त्यांच्यात आणखीण कोणतं नातं आहे? याचा तपास करतेय. यासोबत या घटनेबाबत आणखीण कोणते धागेदोरे हाती लागतायत का, याचा तपास करतेय.

हे ही वाचा : Video : जन्म देणाऱ्या आईचे जनावरासारखे हाल! गळा दाबला, डोकं आपटलं अन्…

घटनाक्रम काय?

ही कथा 20 सप्टेंबर 2023 पासून सुरू होते. महागाव येथे राहणारे शंकर कुंभारे आणि त्यांची पत्नी विजया कुंभारे यांची अचानक प्रकृती खालावली. त्यांना रूग्णालयात दाखल करून सुद्धा प्रकृतीत सुधारणा न झाल्याने २६ सप्टेंबर रोजी नागपूर येथील रुग्णालयात मृत्यू झाला. यानंतर शंकर पाठोपाठ त्यांच्या यांच्या पत्नी विजया कुंभारे यांचाही मृत्यू झाला. त्यानंतर या दोघांची विवाहित मुलगी कोमल दहागावकर आणि मुलगा रोशन कुंभारे यांची प्रकृती खालावली. शंकर कुंभारे यांच्या शेजारी राहणारी मेहुणी आनंदा उर्फ वर्षा उराडे हिचीही प्रकृती खालावली.

एकामागून एक सर्वांना हॉस्पिटलमध्ये दाखल करावे लागले. प्रत्येकाच्या आजाराची लक्षणे सारखीच होती. प्रत्येकाला संपूर्ण शरीरात तीव्र वेदना होत होत्या.विशेषतः खालच्या मागच्या आणि डोक्यात वेदना होत होत्या. प्रत्येकाचे ओठ काळे व्हायचे आणि जीभ जड व्हायची. कुंभारेंच्या पत्नीच्या मृत्यूनंतर अकरा दिवसांनी 8 ऑक्टोबर रोजी तिसरा मृत्यू झाला. यावेळी शंकर आणि विजया यांची मुलगी कोमल दहागावकर हिला जीव गमवावा लागला.

त्यानंतर सहा दिवसांनी कुटुंबाला चौथा धक्का बसला. 14 ऑक्टोबर रोजी शंकरची मेहुणी आणि विजयाची बहीण आनंदा उर्फ वर्षा उराडे यांचा मृत्यू झाला. दुसऱ्या दिवशी 15 ऑक्टोबर रोजी शंकर आणि विजयाचा मुलगा रोशन कुंभारे यांचाही रुग्णालयात मृत्यू झाला. अशाप्रकारे 20 दिवसांत कुंभारे कुटुंबातील पाच जणांचा आजाराने मृत्यूमुखी पडले. कुंभारे कुटुंबातील मृत्यूसत्राने संपूर्ण गडचिरोली जिल्हाच हादरला.

अशी अडकली संघमित्रा जाळ्यात

या घटनेत पहिला संशय कुंभारे कुटुंबातील सून संघमित्रा हिच्यावर गेला. कारण कुंभारे कुटुंबातील सर्व लोक आजारी पडत होते आणि एकापाठोपाठ एक मरत होते, पण संघमित्रा ठणठणीत होती. पोलिसांनी कुंभारे कुटुंबाची सून संघमित्रा हिला चौकशीसाठी बोलावले आणि सगळ्यांच्या मृत्यूचे गूढ उलगडले. संघमित्राने आधी पोलिसांना चकवा देण्याचा प्रयत्न केला, मात्र इतर लोक आजारी पडत असताना, ती ठणठणीत कशी, या प्रश्नावर ती अडकली. सासरच्या लोकांच्या मृत्यूमागे तिचा हात असल्याचे तिने मान्य केले. इतकंच नाही तर या कटात तिची एक मावशी रोजा रामटेके हिचाही हात असल्याचे सांगितल्यावर पोलिसांना धक्का बसला.

संघमित्राच्या कटात रोजा रामटेके का झाली सहभागी?

गडचिरोली पोलिसांनी संघमित्रा आणि रोजा यांना ताब्यात घेतले. संघमित्राची चौकशी केली असता तिने कुंभारे कुटुंबातील मुलगा रोशनसोबत घरच्यांच्या इच्छेविरुद्ध जाऊन प्रेमविवाह केल्याचे उघड झाले. संघमित्राच्या वडिलांना तिच्या लग्नाचे इतके दुःख झाले की त्यांनी आत्महत्या केली.

दुसरीकडे लग्नानंतर रोशन आणि त्याच्या कुटुंबीयांनी संघमित्राचा छळ करण्यास सुरुवात केली आणि तिला टोमणे मारण्यास सुरुवात केली. यामुळे तिचा राग यायला लागला. तिला त्यांचा बदला घ्यायचा होता. दुसरीकडे रोजा रामटेके यांचा कुंभारे कुटुंबाशी जमिनीवरून वाद सुरू होता. महागावातीलच जमिनीचा काही भाग ताब्यात घेण्यासाठी तिला कुंभारे कुटुंबातील लोकांना मार्गातून हटवायचे होते. त्यामुळे कुंभारे कुटुंबाप्रती त्यांच्या मनात वाढलेल्या द्वेषाची माहिती दोघांनीही एकमेकींना सांगितल्यावर दोघींनी मिळून कुंभारे कुटुंबाला संपवण्याचा कट रचला.