हे ही वाचा : मर्डर करुन तुरुंगात गेली अन् दुसऱ्या कैद्याच्या प्रेमात पडली, लग्नासाठी दोघं पॅरोलवर बाहेर; 15 दिवसांनी पुन्हा आत जाणार

बेशुद्ध करुन बनवला अश्लील व्हिडिओ

बिहारच्या समस्तीपूरमधील हे प्रकरण आहे. पीडितेने दिलेल्या माहितीनुसार, ती कल्याणपूर भागातील शाळेत शिकत असताना आरोपीसोबत २०२१ मध्ये तिची ओळख झाली. हळूहळू ओळखीचं रुपांतर प्रेमात झालं. काही काळ दोघांचं नातं व्यवस्थित चाललं होतं. मात्र आरोपीने तिला बर्थडे पार्टीला बोलावून तिच्यासोबत घात केला. बर्थडे पार्टीवेळी आरोपीने तिला नशायुक्त कोल्ड्रिंक प्यायला दिले. ती बेशुद्ध झाल्यानंतर तिचा अश्लील व्हिडिओ बनवला.

इंस्टाग्रामवरुन व्हायरल केले आक्षेपार्ह फोटो आणि व्हिडिओ

पीडितेने आरोप केला आहे की, हा व्हिडिओ व्हायरल करण्याची धमकी देऊन त्याने सतत ब्लॅकमेल केले. त्याचं म्हणणं ऐकलं नाही तर तिचा अश्लील व्हिडिओ सोशल मीडियावर व्हायरल करण्याची तो धमकी देत असे. लोकलज्जेमुळे पीडिता बराच काळ गप्प बसली. मात्र जेव्हा आरोपीने पीडितेच्या नावाने बोगस इंस्टाग्राम अकाऊंट बनवून त्यावर तिचे आक्षेपार्ह फोटो आणि व्हिडिओ पोस्ट केल्यानंतर प्रकरणाला गंभीर वळण मिळाले. पीडितेनं हे सगळं बंद करण्याची आरोपीला वारंवार विनंती केली, त्याच्या बहिणीलाही हे सगळं सांगितल; मात्र आरोपीवर याचा काहीच परिणाम झाला नाही.

हे ही वाचा : ठाकरे गटाचे 4 नगरसेवक नॉट-रिचेबल, सत्ताधाऱ्यांनी पळवल्याचा दावा, पोलीस ठाण्यात तक्रार दाखल

पीडितेवर वीस लाखांच्या फसवणूकीचा आरोप

पीडितेचं लग्न ठरल्यानंतर आरोपीने वराच्या कुटुंबियांना तिचे अश्लील व्हिडिओ पाठवले. यामुळे तिचं लग्न धोक्यात आलं. आरोपी तिला जीवे मारण्याची धमकीही देत असल्याचं पीडितेनं सांगितलं आहे. मात्र आरोपीने पीडित तरुणीवर वीस लाख रुपयांची फसवणूक केल्याचा आरोप केला आहे तर पीडितेचं म्हणणं आहे की, आरोपी आणि त्याचे कुटुंबीय तिच्याकडून पैसे मागत होते.