पत्नीला इंस्टाग्रामवर रील बनवायचा नाद... पती संतापला अन् किरकोळ वादातून घडली भयानक घटना

मिळालेल्या माहितीनुसार, ही घटना जिल्ह्यातील राजपूर पोलीस स्टेशन हद्दीतील अखोराखुर्द गावात घडली. याबाबत पोलिसांनी सांगितलं की, प्रकरणातील 28 वर्षीय आरोपी कुंदन राम याने त्याची 25 वर्षीय पत्नी किरण हिची चाकूने वार करून निर्घृण हत्या केली. स्थानिक ग्रामस्थ हिरनराम पहाडी कोरवा यांनी संबंधित घटनेची तक्रार बरियों पोलिस ठाण्यात केली.

तक्रारदाराने काय सांगितलं? 

तक्रारदाराने सांगितलं की, जवळपास 11:30 वाजताच्या सुमारास आरोपी कुंदन त्याच्या घरी आला आणि त्याने अतिशय घाबरत आपल्या पत्नीच्या छातीत चाकू लागल्याचं सांगितलं. जेव्हा ते कुंदनच्या घरी पोहोचले तेव्हा पीडित महिला खोलीच्या आत बेडवर मृतावस्थेत पडलेली होती. तिच्या छातीवर खोल जखम होती. तसेच, या जखमेमुळे प्रचंड रक्तस्त्राव पण झाला होता. 

हे ही वाचा: मुंबईची खबर: 'या' मार्गावरील डबल डेकर ब्रिजचं काम सुरू.... प्रवाशांचा प्रवास आणखी सोपा होणार!

पोलिसांना या घटनेची माहिती मिळताच पोलिसांचं पथक घटनास्थळी पोहोचलं. त्यानंतर, पोलिसांनी मृतदेह ताब्यात घेतला असून तो पोस्टमॉर्टमसाठी पाठवण्यात आला आहे. यासोबतच, घटनेत वापरण्यात आलेला चाकू देखील जप्त करण्यात आला आहे. पोलिसांनी संबंधित घटनेचा तपास केला आणि आरोपी कुंदन रामला अटक केली. 

हे ही वाचा: Ind vs Aus: भल्याभल्यांना जे जमलं नाही ते आपल्या मुंबईच्या रोहितने करून दाखवलं!

आरोपीने केला गुन्हा कबूल...

चौकशीदरम्यान पोलिसांना सांगितलं की, त्याची पत्नी इंस्टाग्रामवर रील बनवून अपलोड करायची आणि त्याला प्रचंड राग यायचा. याच कारणावरून त्यांच्यात वाद झाला. त्यानंतर रागाच्या भरात कुंदनने घरातील विजेच्या तारा कापल्या. दरम्यान, पीडित पत्नीने विजेच्या तारा तोडण्यावरून वाद घालण्यास सुरू केली आणि तेव्हा दोघांमध्ये भांडण वाढत गेलं. पुढे कुंदनने पोलिसांना सांगितलं की, वादातून त्याने रागाच्या भरात त्याच्या पत्नीला लाथ मारले. यामुळेच त्याच्या हातात असलेला चाकू पीडितेच्या छातीत घुसला आणि तिचा जागीच मृत्यू झाला. पोलिसांनी या प्रकरणासंदर्भात गुन्हा दाखल केला असून तपास सुरू केला आहे.