Raj Thackeray : 'पवारांसोबत राहूनही अजितदादांनी कधीही...', राज ठाकरेंकडून अजित पवारांचं प्रचंड कौतुक!

Lok Sabha Election 2024 Pune Raj Thackeray: पुणे: लोकसभा निवडणूक 2024 साठी मनसे अध्यक्ष राज ठाकरे यांनी भाजप आणि महायुतीला पाठिंबा दिला आहे. त्यामुळे आज (10 मे) त्यांनी पुण्यात भाजपचे उमेदवार मुरलीधर मोहोळ यांच्यासाठी जाहीर सभा घेतली. पण याच सभेत राज ठाकरे यांनी राष्ट्रवादी काँग्रेसचे अध्यक्ष आणि उपमुख्यमंत्री अजित पवार यांचं तोंड भरून कौतुक केलं आहे. त्यामुळे सर्वांनाच आश्चर्याचा धक्का बसला आहे. (lok sabha election 2024 despite staying with sharad pawar ajit pawar never played caste politics raj thackeray praised ajitdada in pune bjp murlidhar mohal public meeting)

राज ठाकरे यांनी आतापर्यंत अनेकदा अजित पवारांवर जहरी टीका केली आहे. मात्र आता महायुतीला पाठिंबा दिल्यानंतर त्यांनी पहिल्यांदाच अजित पवार यांचं कौतुक केलं आहे.

'मी आजपर्यंत सगळ्या गोष्टी पाहत आलो अजित पवारांच्या.. पण एका गोष्टीबाबत.. शरद पवारांसोबत राहून पण त्यांनी कधी जातीपातीचं राजकारण केल्याचं आजपर्यंत मला आठवत नाही.' अशा शब्दात राज ठाकरेंनी अजित पवारांच कौतुक केलं.. 

राज ठाकरेंकडून अजित पवारांचं कौतुक, पाहा नेमकं काय म्हणाले...