Dhoom फेम अभिनेत्रीचं रुपडं पालटलं, चाहत्यांना ओळखताही येईना,पाहा व्हिडीओ; आता दुबईत करते ‘हा’ व्यवसाय

रिमी सेनचं रुपडं पालटलं, चाहत्यांना ओळखताही येईना 

रिमी सेन आता भारत सोडून दुबईत स्थायिक झाली आहे. पण विशेष म्हणजे आता ती कॅमेऱ्यासमोर अभिनय करताना दिसत नाही, तर रिअल इस्टेट एजंट म्हणून काम करत आहे. एका पॉडकास्ट आणि मुलाखतीदरम्यान रिमीने तिच्या या नव्या प्रवासाबद्दल सविस्तरपणे भाष्य केलं. रिमी सेनचं बदललेलं रुपही सध्या चर्चेचा विषय ठरत आहे. अनेक वर्षांनंतर ती सार्वजनिक ठिकाणी दिसली, तेव्हा अनेक चाहत्यांना तिला ओळखताही आलं नाही. सोशल मीडियावर ‘प्लास्टिक सर्जरी’चे कयास लावले गेले. यावर स्पष्टीकरण देताना रिमीने हिंदुस्तान टाइम्सला सांगितलं, “लोकांना वाटत असेल की मी प्लास्टिक सर्जरी केली आहे, तर ती चांगली गोष्ट आहे. पण मी फक्त फिलर्स, बोटॉक्स आणि पीआरपी ट्रीटमेंट केली आहे”

हेही वाचा : परप्रांतीयांना टपऱ्या मिळतात, आम्हाला नाही; मला राज ठाकरेंचा फोटो लावून टपरी द्या, तरुणीची मनसेकडे मागणी VIDEO

बॉलिवूड सोडण्यामागचं कारणही रिमीने स्पष्ट केलं. तिच्या मते, हिंदी चित्रपटसृष्टीत विशेषतः महिलांसाठी करिअरचा कालावधी फारच कमी असतो. “हा पुरुषप्रधान उद्योग आहे. सलमान खान, शाहरुख खान 20-30 वर्षांनंतरही मुख्य भूमिका करत आहेत. पण त्यांच्यासोबत काम करणाऱ्या अभिनेत्री आज सपोर्टिंग रोल्स किंवा आईच्या भूमिका करत आहेत,” असं ती म्हणाली. रिमीने बॉलिवूडला अलविदा केला. आज ती दुबईत रिअल इस्टेटसारख्या स्थिर आणि सुरक्षित व्यवसायात यशस्वीपणे कार्यरत आहे. अभिनयातून व्यवसायाकडे वळलेली रिमी सेन अनेकांसाठी प्रेरणादायी ठरत आहे.

दुबईतील व्यवसायाबाबत काय म्हणाली रिमी? 

रिमी सेन म्हणते, “दुबई हे जगभरातून येणाऱ्या लोकांचं स्वागत करणारं शहर आहे. इथे फिल्म बॅकग्राउंड असलेल्या लोकांनाही संधी मिळते. रिअल इस्टेट इथे खूप शिस्तबद्ध पद्धतीने चालतं. एजंट, एजन्सी आणि डेव्हलपर्स यांचं काम स्पष्टपणे विभागलेलं आहे. त्यामुळे सिस्टीम स्मूथ आहे.” भारताशी तुलना करताना ती म्हणते, “भारतामध्ये दोन महिन्यांचं ब्रोकरेज मागितलं, तर लोक गुन्हा केल्यासारखं पाहतात. पण दुबईत नियम स्पष्ट आहेत आणि सगळ्यांसाठी समान आहेत.”

इतर महत्त्वाच्या बातम्या 

एकतर्फी प्रेमात बनला हैवान, नगरसेवकाच्या मुलाने 10 वीत शिकणाऱ्या मुलीला जिवंत जाळलं... 6 दिवसांनंतर पीडितेचा मृत्यू