परप्रांतीयांना टपऱ्या मिळतात, आम्हाला नाही; मला राज ठाकरेंचा फोटो लावून टपरी द्या, तरुणीची मनसेकडे मागणी VIDEO
Avinash Jadhav and Marathi Girl Kalyan Dombivali Video : मनसे नेते अविनाश जाधव यांनी यावेळी स्पष्ट भूमिका घेत सांगितले की, व्यवसाय करणाऱ्या मराठी तरुणीच्या आम्ही ठामपणे पाठीशी आहोत. मराठी माणसावर अन्याय सहन केला जाणार नाही. महापालिकेच्या या दुटप्पी धोरणाविरोधात रस्त्यावर उतरून संघर्ष केला जाईल.
ADVERTISEMENT
बातम्या हायलाइट
परप्रांतीयांना टपऱ्या मिळतात, आम्हाला नाही;
मला राज ठाकरेंचा फोटो लावून टपरी द्या, तरुणीची मनसेकडे मागणी
Avinash Jadhav and Marathi Girl Kalyan Dombivali Video ,डोंबिवली : डोंबिवली स्टेशन परिसरातील फेरीवाला प्रश्न आणि मराठी माणसांवरील अन्यायाचा मुद्दा पुन्हा एकदा चांगलाच तापला आहे. मराठी तरुणीला न्याय मिळवून देण्यासाठी मनसेचे नेते अविनाश जाधव शुक्रवारी (दि.23) थेट डोंबिवलीत दाखल झाले असून, यावेळी त्यांनी महापालिकेच्या दुटप्पी भूमिकेवर जोरदार हल्लाबोल केला. डोंबिवलीमध्ये एक मराठी तरुणी शॉरमा विक्रीचा व्यवसाय करत असून, पालिकेकडून केवळ तिच्याच गाडीवर वारंवार कारवाई केली जात असल्याचा आरोप करण्यात येतोय.
दुसरीकडे मात्र, स्टेशनबाहेर मोठ्या प्रमाणात परप्रांतीय फेरीवाल्यांना मोकळे रान दिले जात असल्याचा आरोप मनसेकडून करण्यात आला आहे. या प्रकरणात हस्तक्षेप करत अविनाश जाधव डोंबिवलीत येताच परिसरातील फेरीवाल्यांमध्ये एकच पळापळ उडाल्याचे चित्र दिसून आले. मनसे पदाधिकारी रस्त्यावर उतरताच अनेक फेरीवाले आपली गाडी घेऊन पसार झाल्याचे दृश्य कॅमेऱ्यात कैद झाले आहे. दरम्यान, संबंधित मराठी तरुणीने माध्यमांसमोर आपली खंत व्यक्त करताना गंभीर आरोप केले. माझ्याकडून रोज 300 रुपये हप्ता घेऊनही पालिकेकडून माझ्यावरच कारवाई केली जाते, तर इतर फेरीवाल्यांकडे जाणूनबुजून दुर्लक्ष केले जाते, असा आरोप तिने केला. यामुळे पालिकेच्या कारभारावर गंभीर प्रश्नचिन्ह उपस्थित झाले आहे.
हेही वाचा : जालना : दुचाकीवरुन आले अन् युवकावर तीन गोळ्या झाडल्या, शहराच्या मध्यवर्ती भागात तरुणाची हत्या
मनसे नेते अविनाश जाधव यांनी यावेळी स्पष्ट भूमिका घेत सांगितले की, व्यवसाय करणाऱ्या मराठी तरुणीच्या आम्ही ठामपणे पाठीशी आहोत. मराठी माणसावर अन्याय सहन केला जाणार नाही. महापालिकेच्या या दुटप्पी धोरणाविरोधात रस्त्यावर उतरून संघर्ष केला जाईल. या घटनेनंतर डोंबिवलीत फेरीवाला धोरण, हप्ता वसुली आणि मराठी विरुद्ध परप्रांतीय असा मुद्दा पुन्हा एकदा केंद्रस्थानी आला असून, पुढील काळात या प्रकरणावरून आंदोलन तीव्र होण्याची शक्यता व्यक्त केली जात आहे.
हे वाचलं का?
