जालना : दुचाकीवरुन आले अन् युवकावर तीन गोळ्या झाडल्या, शहराच्या मध्यवर्ती भागात तरुणाची हत्या
Jalna Crime News : मिळालेल्या माहितीनुसार, चरण रायमल्लू हा आपल्या बुलेट दुचाकीवरून घाटी रोड परिसरातून जात असताना अचानक दुचाकीवरून आलेल्या 2 ते 3 जणांनी त्याच्यावर हल्ला केला. हल्लेखोरांनी त्याच्यावर सलग 2 ते 3 गोळ्या झाडल्याने तो रक्ताच्या थारोळ्यात कोसळला. घटनेनंतर परिसरात एकच खळबळ उडाली.
ADVERTISEMENT
बातम्या हायलाइट
जालना : दुचाकीवरुन आले अन् युवकावर तीन गोळ्या झाडल्या
शहराच्या मध्यवर्ती भागात तरुणाची हत्या
Jalna Crime News : जालना शहराच्या मध्यवर्ती भागात मंगळवारी गोळीबाराची धक्कादायक घटना घडली. शहरातील नूतन वसाहत परिसरातील घाटी रोडवर दुचाकीवरून आलेल्या 2 ते 3 अज्ञात हल्लेखोरांनी एका युवकावर गोळ्या झाडल्या. या गोळीबारात चरण रायमल्लू (वय अंदाजे 27 वर्ष) या युवकाचा जागीच मृत्यू झालाय.
मिळालेल्या माहितीनुसार, चरण रायमल्लू हा आपल्या बुलेट दुचाकीवरून घाटी रोड परिसरातून जात असताना अचानक दुचाकीवरून आलेल्या 2 ते 3 जणांनी त्याच्यावर हल्ला केला. हल्लेखोरांनी त्याच्यावर सलग 2 ते 3 गोळ्या झाडल्याने तो रक्ताच्या थारोळ्यात कोसळला. घटनेनंतर परिसरात एकच खळबळ उडाली.
जखमी अवस्थेत चरण रायमल्लू याला तातडीने शहरातील एका खासगी रुग्णालयात दाखल करण्यात आले होते. मात्र डॉक्टरांनी त्याला तपासून मृत घोषित केले. दरम्यान, युवकाला 2 ते 3 गोळ्या लागल्याची शक्यता असल्याची माहिती पोलीस अधीक्षक अजय कुमार बंसल यांनी दिली आहे.
हे वाचलं का?
