फेमस रील स्टार अरुण तुपेचं निधन, छत्रपती संभाजीनगरमध्ये हळहळ, घरातच मृतावस्थेत आढळला

अरुण सोशल मीडियावर प्रचंड सक्रिय होता आणि निधनाच्या अवघ्या 21 तासांपूर्वीच त्याने आपला शेवटचा रील पोस्ट केला होता. विशेष म्हणजे मृत्यूच्या काही तास आधीपर्यंत तो चाहत्यांच्या कमेंट्सना रिप्लाय देखील देत होता. त्यामुळे इतक्या कमी वेळात त्याच्यासोबत असे काही घडेल याची कल्पना कोणालाही नव्हती. त्याच्या या शेवटच्या रीलवर आता नेटकरी मोठ्या संख्येने कमेंट्स करून आपल्या लाडक्या कलाकाराला श्रद्धांजली अर्पण करत आहेत.

हेही वाचा : मुस्लीम व्यावसायिकाशी प्रेमविवाह, धर्मांतरण, चार मुलं आणि छळ; हिंदू धर्मात घरवापसी केलेल्या सायली सुर्वेचं प्रकरण काय?

मिळालेल्या माहितीनुसार अरुण त्याच्या घरात अत्यंत गंभीर अवस्थेत आढळून आला होता. त्यानंतर नातेवाईकांनी त्याला तातडीने जवळच्या रुग्णालयात उपचारासाठी दाखल केले मात्र डॉक्टरांनी त्याला तपासून मृत घोषित केले. अरुणचा मृतदेह  शासकीय रुग्णालयात शवविच्छेदनासाठी पाठवण्यात आला असून या अहवानंतरच त्याच्या मृत्यूचे नेमके कारण स्पष्ट होऊ शकणार आहे. त्याच्या अचानक जाण्याने तुपे कुटुंबावर दुःखाचा डोंगर कोसळला आहे.

नातेवाईकांनी दिलेल्या माहितीनुसार अरुणला अपस्माराचा म्हणजेच फिट येण्याचा त्रास होता मात्र त्याच्या निधनामागचे ठोस कारण अद्याप समोर आलेले नाही. इन्स्टाग्रामवर 1 लाख 81 हजारांहून अधिक फॉलोअर्स असलेला अरुण केवळ विनोदीच नव्हे तर सामाजिक आणि राजकीय विषयांवरही मार्मिक भाष्य करणारे रिल्स बनवत असे. त्याच्या प्रत्येक व्हिडिओला लाखो व्ह्यूज आणि लाईक्स मिळत असत मात्र आता हा डिजिटल दुनियेतील प्रसिद्ध चेहरा कायमचा पडद्याआड गेला आहे.

इतर महत्त्वाच्या बातम्या 

Chat GPT वर 'ही' एक चूक कराल तर आयुष्य उद्ध्वस्त होईल, संभाषण आणि फोटो होतील लीक; काय काळजी घ्यावी?