मुंबईत कधी दाखल होणार?

कंपनीने केवळ 14 महिन्यांच्या विक्रमी वेळेत या पहिल्या ट्रेनसेटचे उत्पादन केले आहे. एल अॅण्ड टी कंपनीसोबत झालेल्या करारानुसार अल्सॉम 39 मानवरहित मेट्रो गाड्या, सिग्नलिंग यंत्रणा, डेपो उपकरणे आणि पाच वर्षांची देखभाल सेवा पुरवत आहे. हा पहिला ट्रेनसेट नोव्हेंबरच्या अखेरीस पाठवला जाण्याची आणि डिसेंबरच्या मध्यापर्यंत मुंबईत दाखल होण्याची शक्यता आहे. त्यानंतर तो चाचण्या आणि सुरक्षा प्रमाणपत्रांच्या प्रक्रियेतून जाईल.

हे ही वाचा : गडचिरोली : कंत्राटदाराकडून लाच घेताना रंगेहात पकडलं, भाजपचा नगरसेवक ACB च्या जाळ्यात

सायकलसाठी विशेष सुविधा

'मेक इन इंडिया' उपक्रमांतर्गत तयार झाला आहे. या मेट्रोचा कमाल वेग ताशी 90 किलोमीटर तर प्रत्यक्ष चालवण्याचा वेग ताशी 80 किलोमीटर असणार आहे. प्रवाशांसाठी यामध्ये व्हीलचेअरसाठी जागा, वातानुकूलित यंत्रणा आणि भारतात पहिल्यांदाच सायकलसाठी विशेष रॅकची सुविधा देण्यात आली आहे.

हे ही वाचा : पुण्यातील संदीप हॉटेलवर आयकर विभागाची छापेमारी, जाणून घ्या कारवाईचा संपूर्ण तपशील

मध्य रेल्वेवरील प्रवाशांचा ताण  होणार कमी

मुंबईत दाखल झाल्यानंतर हा ट्रेनसेट रिसर्च डिझाईन्स अँड स्टँडर्ड्स ऑर्गनायझेशन (RDSO) आणि मेट्रो रेल्वे सुरक्षा आयुक्त (CMRS) यांच्यामार्फत विविध चाचण्या आणि सुरक्षा प्रमाणपत्रांच्या प्रक्रियेतून जाईल. पायाभूत सुविधांचे काम, प्रणालींचे एकत्रीकरण आणि आवश्यक परवानग्या मिळाल्यानंतर या मार्गिकेवरील प्रवासी सेवा सुरू होईल. या कॉरिडॉरमुळे ईस्टर्न एक्सप्रेस हायवे आणि मध्य रेल्वेवरील प्रवाशांचा ताण कमी होऊन मुंबई-ठाणे दरम्यानचा प्रवास अधिक सुलभ होईल.