हेलिकॉप्टर खरेदी केल्यानंतर...

माजी महापौर आणि कोतकर कुटुंबीयांनी गेल्या काही वर्षांत राजकारणापेक्षा व्यावसायिक विस्तारावर अधिक भर दिला आहे. पुण्यातील जेम रोडसह विविध भागांत सुरू असलेली त्यांची मटण हॉटेल्स खाद्यप्रेमींमध्ये प्रचंड लोकप्रिय ठरली आहेत. व्यवसायाचा आवाका वाढवत त्यांनी नुकतीच हेलिकॉप्टर खरेदी केल्याची माहिती आणि सोशल मीडियावरील रील समोर आल्यानंतर, या वाढत्या संपत्तीच्या स्त्रोताबाबत आयकर विभागाची पावले अधिक वेगवान झाली.

हे ही वाचा : निवडणूक आयोगाला सुप्रीम कोर्टाचा इशारा! 'फालतू बहाणे नको' पुरावे गायब कसे झाले?

'त्या' गुन्ह्यांमध्ये जन्मठेपेची शिक्षा

या कुटुंबाची पार्श्वभूमी जुन्या राजकीय आणि गंभीर गुन्हेगारी प्रकरणांशी जोडलेली राहिली आहे. 2008 मधील अशोक लांडगे हत्या प्रकरण असो वा 2018 मधील केडगाव येथील गाजलेले दुहेरी हत्याकांड (वसंत ठुबे आणि संजय कोतकर खून), या दोन्ही प्रकरणांत माजी महापौर संदीप कोतकर आणि त्याच्या कुटुंबीयांची नावे समोर आली होती. या गुन्ह्यांमध्ये त्यांना जन्मठेपेची शिक्षा सुनावण्यात आली होती, तर सध्या हे आरोपी जामिनावर बाहेर आहेत.

हे ही वाचा : CJP च्या पत्रकार परिषदेत गोंधळ अन् घोषणाबाजी, नेहा बोरा बोलत असताना काय घडलं? दिपकेंनी चांगलंच सुनावलं!

दोन ते तीन दिवस छापेमारी

राजकीय संघर्षाच्या पार्श्वभूमीतून व्यावसायिक क्षेत्राकडे वळलेल्या कोतकर कुटुंबीयांचा हा व्यवसाय आणि संपत्तीचा विस्तार आता इन्कम टॅक्सच्या रडारवर आला आहे. कृषी उत्पन्न बाजार समितीवरील ऐतिहासिक दबदबा, रिअल इस्टेटमधील गुंतवणूक आणि नवीन एव्हिएशन व्यवसायाची कागदपत्रे आयकर विभागाकडून तपासली जात आहेत. पुढील दोन ते तीन दिवस ही छापेमारी चालण्याची शक्यता असून, त्यानंतर या कारवाईची अधिकृत माहिती स्पष्ट होईल.