'शेतकरी कधीही विसरत नाही'

गोकुळवरुन राजकीय वातावरण तापलं असतानाच राहुल गांधी यांनी एक्स या सोशल मीडिया प्लॅटफॉर्मवर पोस्ट करत भाजपवर जोरदार टीका केली आहे. राहुल गांधी म्हणाले की, 'गोकुळमध्ये दूध उत्पादकांनी भाजपचा पराभव केला. त्यानंतर भाजपने निवडणुकीनंतर नियमच बदलून टाकले – 4 संचालक घुसवा, 12 चे 16 करा आणि बहुमत चोरा. ही दूध उत्पादकांच्या मतांची चोरी आहे – जनादेशात केलेली भेसळ आहे. सत्ता टिकवण्यासाठी भाजप इतकी हताश झाली आहे की कोणत्याही थराला जात आहे. दूध उत्पादकांची मते चोरणाऱ्यांनी हे लक्षात ठेवावे – शेतकरी कधीही विसरत नाही.'

हे ही वाचा : तुळजापूर हादरले! 18 वर्षीय विद्यार्थ्याची निर्घृण हत्या, माजी नगराध्यक्षासह दोघांना अटक

सरकारने नेमका काय बदल केला?

गोकुळसाठी महायुती सरकारने महाराष्ट्र सहकारी संस्था अधिनियम, 1960 कलम 73 अअअ (2) मध्ये सुधारणा करण्यास व त्याबाबत अध्यादेश काढण्यास मान्यता दिली. त्यानुसार 500 कोटींहून अधिक वार्षिक उलाढाल असणाऱ्या सहकारी संघांच्या संचालक मंडळामध्ये सरकारने नामनिर्देशित केलेल्या पाच सदस्यांचा समावेश करता येणार आहे. या सदस्यांमध्ये सहायक निबंधकाच्या दर्जापेक्षा कमी नसलेला एक अधिकारी आणि अशा संस्थांच्या कामाचा अनुभव असलेल्या चार व्यक्तींचा समावेश राहणार आहे. नामनिर्देशित शासकीय अधिकारी सदस्याला मताचा अधिकार नसेल. इतर चार सदस्यांना मताचा अधिकार असेल. पण ते या संस्थेच्या पदाधिकारी पदाच्या निवडणुकीस पात्र असणार नाहीत. 

हे ही वाचा : Personal Finance: मुंबई-पुण्यासारख्या शहरांच्या विकासासाठी पैसे गुंतवा, व्याजही मिळवा!

पत्रकार परिषदेकडे लक्ष

दरम्यान, आज बारा वाजता काँग्रेसचे आमदार सतेज पाटील यांची पत्रकार परिषद होणार आहे. यामध्ये ते नेमकं काय बोलणार, सरकारच्या निर्णयाविरोधात नेमकी कोणती रणनिती आखणार याकडे सर्वांचे लक्ष लागले आहे.