Kitchen Tips: अंडी दिर्घकाळ ताजी ठेवण्यासाठी काय कराल? फक्त 'या' सोप्या ट्रिकचा वापर करा 

अंडी स्टोअर करण्याची योग्य पद्धत कोणती?

प्रसिद्ध शेफ रणवीर बरार यांनी त्यांच्या इन्स्टाग्राम अकाऊंटवर व्हिडीओ शेअर करत याबाबत माहिती दिली आहे. या व्हिडीओत शेफ म्हणतात, लोकं बाजारातून अंडी घेऊन येतात आणि त्यांना फ्रिजमध्ये चुकीच्या पद्धतीने स्टोअर करतात. परंतु, त्यांना दिर्घकाळ फ्रेश ठेवण्यासाठी अंड्यांना योग्य पद्धतीत ठेवण्याची आवश्यकता आहे. 

हे ही वाचा >> Kitchen Tips: फ्रिज नसतानाही दूध राहील फ्रेश, अजिबात नाही फाटणार, फक्त...

शेफ रणवीरने दिलेल्या माहितीनुसार, 'जर तुम्हाला जास्त दिवस अंड्यांना ताजं ठेवायचं असेल, तर यासाठी एग ट्रेमध्ये अंड्याच्या पातळ भागाला खाली ठेवा आणि जाड भाग वरच्या बाजूला ठेवा'.

डाएटिशियन आणि सर्टिफाईड डायबिटीज एज्युकेटर कनिका मल्होत्रा यांनी इंडियन एक्स्प्रेसशी बोलताना म्हटलं, अंड्याच्या पातळ भागाला खाली आणि जाड भागाला वरच्या बाजूला ठेवल्याने ते जास्त दिवस फ्रेश राहतात. कारण अंड्याच्या वरच्या भागात एयर सेल असतं. अंड्याला जास्त दिवस झाले की, ही एयर सेलही हळूहळू मोठी होते. पण जेव्हा तुम्ही अंड्याच्या या मोठ्या भागाला वरच्या बाजूला ठेवता, त्यावेळी यात असलेल्या एअर सेल वाढण्याची गती मंदावते. असं केल्याने एअर सेलला खूप वेगानं पसरण्यास रोखू शकतो. यामुळे अंड्यांमध्ये नैसर्गिकरित्या थंडावा राहतो आणि ते लगेच खराब होत नाहीत.