BMC Election : भाजपचा फॉर्म्यूला ठरला, टार्गेट निश्चित! कार्यकारिणीत काय घडलं?

मुंबई : महापालिका निवडणूक (BMC Election) अद्याप कधी होणार हे गुलदस्त्यात असतानाही भाजपने (BJP) तयारी सुरु केली आहे. भाजपने मुंबईसह (Mumbai) राज्यभरात प्रचाराचे नियोजन केलं असून टार्गेट फिक्स केलं आहे. मुंबई भाजपच्या कार्यकारिणीची बैठक आज दादर येथील वसंत स्मृती सभागृहात पार पडली. याच बैठकीत महापालिका निवडणुकीच्या पार्श्वभूमीवर खलबतं झाली. (BJP has planned the campaign across the state including Mumbai)

भाजपचा फॉर्म्यूला ठरला :

भाजप प्रदेशाध्यक्ष चंद्रशेखर बावनकुळे म्हणाले, प्रत्येक पदाधिकाऱ्यांनी २००० घरी प्रवास करणे अपेक्षित आहे. यात ५०० घरी धन्यवाद मोदी, ५०० घरांमध्ये फ्रेंडस ऑफ बीजेपी, ५०० युवा वॉरियर्स अशा स्वरुपात कामाला लागायचे आहे. येणारा काळ हा आपला आहे. वातावरण उत्तम, सक्षम नेतृत्व, निर्णय घेणारे केंद्रात आणि राज्यात सरकार यामुळे ‘अभी नही तो कभी नही’ असेही त्यांनी कार्यकर्त्यांना सांगितले.

Shinde-BJP मध्ये ‘व्हॅलेंटाईन डे’ला ठिणगी? श्रीकांत शिंदेंचा मतदारसंघ पुन्हा टार्गेटवर!

कार्यकर्त्यांना संबोधिक करताना ते म्हणाले, महाराष्ट्राच्या कानाकोपऱ्यात हजारो जण भाजपमध्ये येण्यास तयार आहेत. आपली वाट पाहत आहेत. मोठे पक्ष प्रवेश आम्ही करु. पण प्रत्येक बुथवर किमान २५ पक्ष प्रवेश कार्यकर्त्यांनी करा. विशेषतः उद्धव ठाकरेंच्या किंचित सेनेचे पदाधिकारी तर त्यांना एवढे कंटाळले आहेत की ते आपली वाट पाहत आहेत. त्यामुळे कामाला लागा. असे आदेशही त्यांनी कार्यकर्त्यांना दिले.

मुंबईमध्ये सुद्धा एक मोदी सगळ्यांनाच भारी पडेल :

हिंदुस्तान देख रहा है एक अकेला सबको भारी पड रहा है राज्यसभेमध्ये पंतप्रधान नरेंद्र मोदी यांनी ही बाब अधोरेखित केली त्याचप्रमाणे मुंबईमध्ये सुद्धा एक मोदी सगळ्यांनाच भारी पडेल असा विश्वास व्यक्त करीत मुंबई भाजप अध्यक्ष आमदार आशिष शेलार यांनी कार्यकर्त्यांना समजदारी, सहनशक्ती आणि सेवाकार्य वाढवा असे निर्देश दिले.

Ramesh Bais: नगरसेवक ते महाराष्ट्राचे राज्यपाल, कोण आहेत रमेश बैस?

१५० जागांचं टार्गेट अन् भाजपचा महापौर :

गृहमंत्री अमित शाह मुंबईत आले त्यावेळी भाजपसह बाळासाहेबांची शिवसेना आणि एनडीएचे १५० नगरसेवक मुंबई महापालिकेत विजयी होतील आणि भाजपाचाच महापौर होईल, असा दावा केला होता. यावर बोलताना ते म्हणाले, अमित शाह यांनी संकल्प सोडलेला आपल्याला सर्वांना पूर्ण करायचा आहे. त्या दृष्टीने आपल्याला कामाला लागायचे आहे. तसंच गेल्या २५ वर्षांमध्ये शिवसेनेनं एकही काम केलं नसल्याची टीकाही शेलार यांनी केला.