नागपुरात 12 वर्षाच्या मुलाची हत्या; बहिणीनेच भावाला संपवल्याचा संशय

अनैतिक संबंध लपवण्यासाठी सुजलच्या बहिणीने त्याची हत्या केली असावी, असा संशय पोलिसांना आहे. याप्रकरणी पोलिसांनी सुजलच्या बहिणीसह तिच्या मित्राला ताब्यात घेतलं आहे.

नाशिकराव रामटेक यांना दोन अपत्य आहेत. त्यापैकी मोठी मुलगी ही १७ वर्षांची आहे, तर सुजल हा १२ वर्षांचा होता. तो द्रुगधामना येथील जिल्हा परिषदेच्या शाळेत इयत्ता सहावीत शिकत होता. काल (18 ऑक्टोबर) सुजल खेळून घरी आल्यानंतर अचानक निपचित पडला, त्यानंतर सुजलच्या बहिणीने आरडाओरडा करून शेजारच्यांना बोलावलं. मात्र तोपर्यंत सुजलचा मृत्यू झाला होता. घटनेच्या वेळी सुजलचे आई वडील काम निमित्ताने घरा बाहेर गेलेले होते.

नागपूर : भाडेकरुच्या जाचाला कंटाळून घरमालकाची आत्महत्या

अनैतिक संबंधातून हत्या?

सुजलच्या बहिणीने शेजारच्या लोकांना सांगितलं की, सुजल खेळून घरी परतल्यानंतर अचानक निपचित पडला. पण प्रत्यक्षात गळ्यावर फास लागल्याच्या खुना दिसत होत्या. प्रकरण संशयास्पद वाटतं असल्याने स्थानिकांनी लगेच या घटनेची माहिती वाडी पोलिसांना दिली.

नागपूर हादरलं! मित्रानेच केला घात; 17 वर्षीय मुलीवर सात जणांनी केला बलात्कार

पोलिसांनी लगेच घटनास्थळी धाव घेऊन चौकशी सुरू केली; तेव्हा प्रकरणात काळंबेरं असल्याचं पोलिसांच्या लक्षात आलं. त्यानंतर चौकशी सुरू केली. अनैतिक संबंध लावण्यासाठी सुजलच्या मोठ्या बहिणीने मित्राच्या मदतीने त्याची हत्या केली असावी, या असा अंदाज पोलिसांनी बांधला आहे. पोलिसांनी सुजलची मोठी बहीण आणि मित्राला चौकशीसाठी ताब्यात घेतलं आहे.