नागपूर : हॉटेल ब्रिज इनमधल्या सेक्स रॅकेटचा पर्दाफाश; दिल्ली, मुंबईतल्या तरूणी आढळल्या

योगेश पांडे, प्रतिनिधी, नागपूर

नागपुरातील गणेश पेठ परिसरात असलेल्या ब्रिज इन हॉटेलवर नागपूर गुन्हे शाखेच्या सामाजिक सुरक्षा विभागाने धाड घातली. या धाडीत पोलिसांना दिल्ली आणि मुंबईतील तरूणी नागपुरात येऊन सेक्स रॅकेट करत असल्याची धक्कादायक माहिती समोर आली आहे. नागपूर पोलिसांच्या गुन्हे शाखेच्या सामाजिक सुरक्षा विभागाने या धाडीत प्रीतम दहीकर, त्याची पत्नी सीमा दहिकर,राज ईखान आणि समीर शेट्टे यांच्या विरोधात गुन्हे दाखल केले असून यापैकी समीर आणि राज हे फरार आहेत..

कोल्हापूर: आयुर्वेद पंचकर्म मसाज पार्लरच्या नावाखाली सेक्स रॅकेट, महिलेला अटक

पोलिसांना मिळालेल्या गुप्त माहितीनुसार वरील सर्व आरोपी नागपुरातील गणेशपेठ परिसरामध्ये असलेल्या हॉटेल ब्रिज इन येथे महिनेवारीने रूम भाड्याने घेऊन दिल्ली, मुंबई आणि कोलकाता येथील तरुणींना वेश्या व्यवसाय करण्यासाठी ग्राहकांना उपलब्ध करून दिल्या जात होत्या.

नागपूर गुन्हे शाखेच्या सामाजिक सुरक्षा विभागाने डमी ग्राहकाच्या माध्यमातून आरोपींसोबत संवाद साधला आरोपींनी दोन मुलींचा नऊ हजार रुपये सौदा पक्का केला त्यानंतर पोलिसांनी हॉटेल ब्रिज ईन येथे धाड घातली..पोलिसांच्या माहितीनुसार आरोपी हे ऑनलाईन आणि सोशल मीडियाच्या माध्यमातून ग्राहकांना मुली उपलब्ध करून देत असत.. पोलीस प्रकरणाचा पुढील तपास करत असून प्रकरणात फरार असलेल्या आरोपींचा शोध घेतला जात आहे ..

कल्याणमध्ये सेक्स रॅकेटचा पर्दाफाश; हॉटेलमधून तीन मुलींची सुटका

पोलिसांनी काय म्हटलं आहे?

९ मे रोजी आम्हाला माहिती मिळाली. त्यानंतर आम्ही नागपूरमधील हॉटेल ब्रिज इन येथे छापा मारला. एक दलाल पैशांचं आमीष दाखवून पीडित मुलींना वेश्या व्यवसाय करायला भाग पाडतो आहे हे समजलं होतं. त्यानुसार ही कारवाई आम्ही केली. सापळा रचून आम्ही कारवाई केली आणि हॉटेल ब्रिज इनमध्ये दोन पीडित मुली मिळाल्या आहेत. या प्रकरणात एकूण चार जणांचा समावेश आहे. एका आरोपीला अटक करण्यात आली आहे. इतर आरोपींवर कारवाई केली. ज्या पीडित मुली आढळल्या त्यातली एक मुलगी दिल्लीतली तर एक मुलगी मुंबईतली आहे असंही कळलं आहे. ज्या दोन्ही मुली आढळल्या त्या गृहिणी आहेत. त्यांच्याकडून वेश्याव्यवसाय करून घेतला जात होता.