PM मोदी येणार.. येणार पण आलेच नाही, नेमकं घडलं तरी काय?

"मिशन दिव्यस्त्र, मल्टिपल इंडिपेंडेंटली टार्गेटेबल री-एंट्री व्हेईकल (MIRV) तंत्रज्ञानासह स्वदेशी बनावटीच्या विकसित अग्नी-5 क्षेपणास्त्राच्या पहिल्या उड्डाण चाचणीसाठी आमच्या DRDO शास्त्रज्ञांचा आम्हाला अभिमान आहे." असं ट्वीट मोदींनी यावेळी केलं..

दरम्यान, असं असलं तरी पंतप्रधान मोदी देशाला संबोधित करण्यासाठी का आले नाही याबाबत अद्यापही अनेक चर्चा सुरुच आहेत.

अग्नी-5 क्षेपणास्त्राविषयी

अग्नी-5 हे भारताचे पहिले आणि एकमेव आंतरखंडीय क्षेपणास्त्र आहे. हे संरक्षण संशोधन आणि विकास संस्था (DRDO) ने तयार केले आहे. भारताकडे उपलब्ध असलेल्या लांब पल्ल्याच्या क्षेपणास्त्रांपैकी हे एक आहे. त्याची मारक क्षमता ही तब्बल 7 हजार किमीपर्यंत आहे.

हे ही वाचा>> Nilesh Lanke : शरद पवारांच्या राष्ट्रवादीच्या वाटेवर असलेले निलेश लंके कोण ?

आज तकच्या रिपोर्टनुसार, अग्नी-5 क्षेपणास्त्राचे वजन 50 हजार किलोग्रॅम आहे. ते 17.5 मीटर लांब आहे. त्याचा व्यास 2 मीटर म्हणजेच 6.7 फूट आहे. त्यावर 1500 किलो वजनाचे अण्वस्त्र बसवले जाऊ शकते. या क्षेपणास्त्रात तीन स्टेज रॉकेट बूस्टर आहेत, जे घन इंधनावर उडतात. अग्नि-5 क्षेपणास्त्र अचूकतेने लक्ष्यावर हल्ला करते. लक्ष्य त्याच्या जागेवरून 10 ते 80 मीटरने दूर गेलं तरी अग्नी-5 चा निशाणा अचूकच राहतो.