अजितदादांच्या अपघाताचं कारण समोर येणार का? विमान प्राधिकरणाचे लोक घटनास्थळी पोहोचले; पाहा VIDEO

अजित पवार जिल्हा परिषद निवडणुकीच्या प्रचारासाठी 28 जानेवारी रोजी बारामतीला पोहोचणार होते.  मात्र, त्याच दिवशी सकाळी 8.45 वाजण्याच्या सुमारास लँडिंग करत असताना हे विमान अपघातग्रस्त झाले होते. या भीषण दुर्घटनेत महाराष्ट्राचे उपमुख्यमंत्री अजित पवार यांच्यासह पाच जणांचा दुर्दैवी मृत्यू झाला होता. अपघातानंतर विमानाला तात्काळ भीषण आग लागली आणि काही वेळातच संपूर्ण विमान जळून खाक झाले. गेल्या चार दिवसांपासून घटनास्थळी नागरिकांची मोठी गर्दी होत असल्याने सुरक्षेच्या दृष्टीने आणि तपास प्रक्रियेसाठी हे अवशेष हटवण्याचा निर्णय घेण्यात आला आहे. दरम्यान, या अपघातामुळे संपूर्ण देश हादरून गेला आहे. मुंबईहून बारामतीकडे प्रचारसभांसाठी निघालेल्या अजित पवार यांचे विमान लँडिंगच्या वेळी रनवेच्या जवळ कोसळले. या दुर्घटनेत विमानातील सर्व प्रवासी आणि क्रू मेंबर्सचा मृत्यू झाला. अपघातानंतर विविध तपास यंत्रणांनी घटनास्थळी पाहणी करून प्राथमिक तपास केला असून आता निर्णायक मानला जाणारा ब्लॅक बॉक्सही सापडला आहे.

हेही वाचा : जवळच्या नातेवाईकांकडून तरुणीच्या मृतदेहासोबत लैंगिक संबंध, हादरवून टाकणारं प्रकरण

ब्लॅक बॉक्समधून समोर येणार अपघाताचं कारण 

नागरी उड्डाण महासंचालनालयाच्या (DGCA) सूत्रांनी दिलेल्या माहितीनुसार, Learjet विमानाचा ब्लॅक बॉक्स सुरक्षितरित्या हस्तगत करण्यात आला आहे. ब्लॅक बॉक्समध्ये विमानाच्या उड्डाणादरम्यानची प्रत्येक हालचाल, वेग, उंची, इंजिनची स्थिती आणि कॉकपिटमधील संभाषणाची नोंद असते. जरी त्याला ‘ब्लॅक बॉक्स’ म्हटले जात असले, तरी तो प्रत्यक्षात नारंगी रंगाचा मजबूत डबा असतो. स्फोट, आग, प्रचंड उष्णता किंवा पाण्यात बुडाल्यानंतरही त्यातील डेटा सुरक्षित राहील, अशा पद्धतीने त्याची रचना केलेली असते. ब्लॅक बॉक्समधील माहितीचे विश्लेषण झाल्यानंतर या अपघातामागचे नेमके कारण स्पष्ट होण्याची शक्यता आहे. मानवी चूक, तांत्रिक बिघाड की हवामानाचा परिणाम, यापैकी नेमका कोणता घटक कारणीभूत ठरला, हे तपासातून समोर येणार आहे.

या दुर्घटनेनंतर अजित पवार यांच्यावर गुरुवारी (दि. 29) सकाळी 11 वाजता बारामती येथे अंत्यसंस्कार करण्यात आले. अंत्यसंस्कारावेळी केंद्रीय गृहमंत्री अमित शाह, भाजप अध्यक्ष नितीन नवीन, मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांची उपस्थिती होती. विमानात अजित पवार यांच्यासह कॅप्टन सुमित कपूर, को-पायलट सांभवी पाठक, सुरक्षा अधिकारी विदीप जाधव आणि फ्लाइट अटेंडंट पिंकी माळी हे चार जण प्रवास करत होते. अपघातानंतर संपूर्ण विमान काही क्षणातच आगीच्या भक्षस्थानी सापडले. तपास सुरू असून ब्लॅक बॉक्सच्या माहितीमुळे या भीषण अपघाताचे खरे कारण लवकरच समोर येईल, अशी शक्यता व्यक्त केली जात आहे.

इतर महत्त्वाच्या बातम्या 

अल्पवयीन तरुणांचा 6 वर्षीय मुलीवर सामूहिक बलात्कार... आरोपीच्या आईने स्वतःच्या मुलासोबत पाहा केलं तरी काय