TCS प्रकरणातील निदा खानला आश्रय दिल्याचा आरोप, इम्तियाज जलील यांच्याविरोधात गुन्हा दाखल

हे ही वाचा : Astrology : दिवाळीत त्रिग्रही योग तयार होईल, 'या' राशींचे चमकेल भाग्य

नगरसेवक मतीन पटेल यांच्या चौकशीत इम्तियाज जलील यांचे नाव

अधिकृत निवेदनाची प्रतिक्षा असताना, टीसीएस प्रकरणात एसआयटी प्रमुख संदीप मटके यांनी पुष्टी केली की, जून 2026 मध्य़े दाखल करण्यात आलेल्या 3 हजार 500 पानांच्या आरोपपत्रादरम्यान माजी एमआयएम नगरसेवक मतीन पटेल यांच्या चौकशीत इम्तियाज जलील यांचे नाव समोर आले होते. 

पोलिसांच्या चौकशीदरम्यान मतीन पटेल म्हणाले की, मला इम्तियाज जलील यांना विचारावे लागेल की, अटकपूर्व जामीन फेटाळल्यापासून फरार असलेली मुख्य आरोपी निदा खानला छत्रपती संभाजीनगरच्या नरेगाव परिसरात पोलिसांनी अटक केली. 

नेमकं टीसीएस प्रकरण काय?

नाशिक येथील टीसीएसच्या एका युनिटशी संबंधित प्रकरण आहे. काही महिला कर्मचाऱ्यांनी सहकारी आणि अधिकाऱ्यांवर लैंगिक छळ, मानसिक छळ आणि धर्म स्वीकारण्याबाबत दबाव आणल्याचे गंभीर आरोप करण्यात आले. या तक्रारीत पाठलाग करणे, सोशल मीडियाद्वारे आक्षेपार्ह संदेश पाठवणे आणि खाण्याची सवय बदलण्यासाठी दबाव आणल्याचा आरोप करण्यात आला. 

नाशिकच्या देवळाली कॅम्प पोलीस ठाण्यात दाखल करण्यात आलेल्या तक्रारींपासून प्रकरणाची सुरुवात झाली. तपासादरम्यान, दानिश शेख, तौसीफ अत्तार आणि निदा खान यांच्यासह अनेक व्यक्ती समोर आल्या. प्रकरणाचे गांभीर्य ओळखून एक विशेष तपास पथक तयार करण्यात आले, ज्यात आतापर्यंत दोन आरोपपत्र दाखल करण्यात आली. 

हे ही वाचा : गोकुळमध्ये 5 शासन नियुक्त संचालक, आता बंटी पाटलांसाठी राज ठाकरेंची पोस्ट

एसआयटीने दाखल केलेल्या आरोपपत्रात पीडितांबाबत जबाबांच्या आधारे, एक कथितरित्या धर्मांतर प्रकरणाशी संबंधीत अनेक दावे करण्यात आले आहेत, अशी माहिती आहे. पीडतांपैकी एकाने जबाबात असा आरोप केला की, तिला धर्मांतर करण्यास सांगून तिला नवीन ओळख देऊन तिच्या कुटुंबापासून लपवण्याचा कट रचण्यात आला होता.