मुरलीधर मोहोळ रुग्णालयात दाखल, 29 वर्षांपूर्वीचा त्रास उद्भवल्याने शस्त्रक्रिया

हे ही वाचा : बेलापूर परिसरात तरुणाने 35 वर्षीय महिलेला उडवलं, नंतर सहा वाहने चिरडली

मुरलीधर मोहोळ यांनी आजारपणाबद्दल सोशल मीडियाद्वारे माहिती दिलीय

दरम्यान, मुरलीधर मोहोळ यांनी आपल्या आजारपणाबद्दल सोशल मीडियाद्वारे माहिती दिलीय. मोहोळ यांनी एक्सवर लिहिलेल्या पोस्टमध्ये म्हटलंय, "क्षमस्व… पण एक महिन्याची सक्तीची विश्रांती घ्यावी लागणार आहे. कोल्हापूर येथे 29 वर्षांपूर्वी कुस्ती खेळताना झालेली दुखापत आणि या दुखापतीमुळेच कुस्ती कायमची सुटली. मात्र इतकी वर्षे या दुखण्याकडे दुर्लक्ष केलं, पण आता 29 वर्षांनंतर हळूहळू तो त्रास वाढू लागला होता. त्यामुळे शेवटी डॅाक्टरांनी ह्या शस्त्रक्रियेशिवाय पर्याय नसल्याचं मला सांगितलं. त्यानुसार ही शस्त्रक्रिया करण्यात आली," असं त्यांनी सांगितलं आहे.

'संसदेचं अधिवेशन सुरू असताना पायाची शस्त्रक्रिया'

शस्त्रक्रियेविषयी अधिक माहिती देताना मुरलीधर मोहोळ म्हणालेत की, "खरंतर संसदेचं अधिवेशन सुरू असतानाही मला पायाची शस्त्रक्रिया करावी लागली. अधिवेशन आणि कामानिमित्त होणारा देशभरातील प्रवास, माझ्या पुणे लोकसभा मतदारसंघातील नागरिकांशी संपर्क आणि इतर कामे. तसंच यंदाची महाराष्ट्र केसरी कुस्ती स्पर्धा… या सगळ्याचं काय? दुखापतीच्या त्रासापेक्षा या सगळ्याचा त्रास जास्त होतोय," अशा भावनाही मंत्री मोहोळ यांनी बोलून दाखवल्या आहेत.

हे ही वाचा : अंगणवाडी सेविकेवर लैंगिक अत्याचाराचा आरोप, हाणामारीत लेकीला वाचवण्यास गेलेल्या आईची हत्या

दरम्यान, "मला माहीत आहे की, तुमच्या शुभेच्छा आणि आशीर्वादच्या जोरावर मी लवकरच बरा होऊन महिन्याभरात पुन्हा तुमच्या सर्वांच्या सेवेत हजर होईन, तेही पहिल्यापेक्षा जास्त जोमाने," असा विश्वासही मुरलीधर मोहोळ यांनी व्यक्त केलाय.