रायगडमध्ये राष्ट्रवादीच्या बॅनरवरून अजित पवार आणि सुनेत्रा पवारांचा फोटो गायब..., सुनील तटकरेंच्या कार्यक्रमात काय घडलं?

शरद पवारांच्या राष्ट्रवादीचे प्रवक्ते विकास लवांडेंनी तर याच मुद्द्यावरुन धक्कादायक दावे केलेत. विकास लवांडेंनी त्यांच्या सोशल मिडीयावरील पोस्टमधून काय म्हटलंय ते पाहा..

"अजित दादांचा #NCP पक्ष ताब्यात घेण्याचे आधीपासूनचेच मनसुबे लपवून राहिलेले नाहीत. त्याची सुरुवात रायगड पासून झाली आहे. आदरणीय अजित दादांचा आणि उपमुख्यमंत्री @SunetraA_Pawar वहिनींचा पक्षाच्या अधिकृत कार्यक्रमात बॅनरवर नाव किंवा फोटो सुद्धा नाही. याला कृतघ्नता म्हणतात. अजित दादांनी यांना पक्षाच्या प्रदेशाध्यक्ष पदावर अनेक वर्षे ठेवल्यामुळे यांची राज्यपातळीवर प्रतिष्ठा वाढली. यांनी पक्षांतर्गत ओबीसी मराठा असा जातीयवाद सुद्धा वाढवलेला आहे जे अजितदादांना पटत नव्हते. @SunilTatkare तुमच्यात हिंमत असेल तर स्वतःचा पक्ष प्रफुल पटेल यांना सोबत घेऊन काढावा. किंवा भाजपमध्ये जाण्यासाठी तुम्ही आधीपासूनच तयार आहात तर तुमची चार चौकडी घेऊन तुम्ही जावे. तुमच्या कृतघ्नतेचा तीव्र निषेध !" अशा शब्दात विकास लवांडेंनी निषेध केलाय. 

म्हणजेच गेल्या दोन तीन दिवसांपासून राजकीय वर्तुळात ही अशी उलटसुलट चर्चा सुरु आहे. माणगाव तालुकाध्यक्ष काका नवगणे यांनी या कार्यक्रमाचं आयोजन केलं होतं. मुंबई तकने यासंदर्भात संपर्क साधला असता नवगणेंनी बोलण्यास नकार दिला. 

अजित पवारांनी वेगळी वाट निवडली तेव्हापासून सुनिल तटकरे रडारवर आलेत. आता अशोक खरात प्रकरणातही रुपाली चाकणकर आणि तटकरेंवर सुषमा अंधारेंनी गंभीर आरोप केले होते. दुसरीकडे प्रफुल पटेल, तटकरेंना संपूर्ण पक्षाचा ताबा घ्यायचा होता असा दावा काही दिवसांआधीच रोहित पवारांनी केला होता. त्यात आता अजित पवार आणि सुनेत्रा पवारांच्या फोटोवरुन सुनिल तटकरेंची विरोधकांकडून कोंडी होण्याची शक्यता नाकारता येत नाही.

इतर महत्त्वाच्या बातम्या 

तरुण गर्लफ्रेंडला भेटायला गावात आला, ग्रामस्थांनी विजेच्या खांबाला बांधून उघडा करून मारला