NCP: सुप्रिया सुळेंना कार्याध्यक्ष करा ‘या’ व्यक्तीने सांगितलं, शरद पवारांचा प्रचंड मोठा दावा

नवी दिल्ली: राष्ट्रवादी काँग्रेसच्या (NCP) कार्यकारी अध्यक्ष पदी सुप्रिया सुळे (Supriya Sule) यांची निवड झाल्याने पक्षातील अनेकांच्या भुवया उंचावल्या आहेत. कारण या सगळ्यात अजित पवार (Ajit Pawar) यांना कुठेही स्थान देण्यात आलेलं नाही. त्यामुळेच उलटसुलट चर्चांना सुरुवात झाली होती. सुप्रिया सुळे या कार्याध्यक्ष झाल्याने अजित पवार नाराज आहेत अशी जोरदार चर्चा रंगली आहे. असं असताना आता सुप्रिया सुळेंना कार्याध्यक्ष करण्याबाबत कोणी सांगितलं होतं याबाबत मोठा दावा शरद पवार (Sharad Pawar) यांनी केला आहे. (supriya sule ncp working president sharad pawar claim ajit pawar suggestion maharashtra political news)

कार्याध्यक्ष पदाची घोषणा केल्यानंतर शरद पवार यांनी त्यांच्या दिल्लीतील निवासस्थानी एक पत्रकार परिषद घेतली. त्यावेळी पवारांनी सुप्रिया सुळे यांना कोणी कार्याध्यक्ष करायला सांगितलं तेच. जाहीर करुन टाकलं.

हे ही वाचा >> Mira Road Murder: ‘HIV पॉझिटिव्ह, शारीरिक संबंध…’ मनोज साने प्रचंड चाणाक्ष आरोपी!

सुप्रिया सुळे कार्याध्यक्ष झाल्यामुळे अजित पवार नाराज आहेत. असा सवाल जेव्हा शरद पवार यांना विचारण्यात आला तेव्हा ते म्हणाले की, ‘ तसंही सुप्रिया सुळेंना कार्याध्यक्ष करा याबाबतचा प्रस्तावच अजित पवारांनी दिला होता. तर आता त्यांच्या खुश असण्याचा किंवा नसण्याचा प्रश्नच कुठे येतो?’ असा मोठा दावा यावेळी शरद पवारांनी केला.म्हणजेच शरद पवार यांना अजित पवारांनीच सुप्रिया सुळेंना कार्याध्यक्ष करण्याचा प्रस्ताव दिला होता.

‘त्या’ घोषणेनंतर अजित पवार माध्यमांशी एकही वाक्य न बोलता का निघून गेले?

दरम्यान, शरद पवार हे जरी असा दावा करत असले तरीही राष्ट्रवादीत सारं काही आलबेल नसल्याचं चित्र हे आतापर्यंत पाहायला मिळालं आहे. कारण या कार्यक्रमानंतर अजित पवार हे काहीसे नाराज असल्याचे दिसून आले.

शरद पवारांनी अचानकपणे जी घोषणा केली त्यामुळे सर्वांनाच आश्चर्याचा धक्का बसला होता. दरम्यान, हा कार्यक्रम संपल्यानंतर प्रफुल पटेल, छगन भुजबळ आणि राष्ट्रवादीतील इतर अनेक नेत्यांनी माध्यमांशी संवाद साधला. मात्र, नेहमी मीडियाशी हसत-खेळत बोलणारे आणि सविस्तर माहिती देणारे अजित पवार हे काहीही न बोलताना आपल्या गाडीत बसून निघून गेले.

हे ही वाचा >> ‘घरी ये, मी एकटीच आहे’, मॅसेज मिळताच प्रियकर विवाहितेच्या घरी पोहोचला अन्…

खरं तर माध्यमांनी त्यांना या घोषणेबाबत त्यांची काय प्रतिक्रिया आहे याची विचारणा देखील केली. मात्र, याबाबत एकही शब्द न उच्चारता अजित पवार हे गाडीत बसून थेट निघून गेले. ज्यामुळे पुन्हा एकदा सर्वांच्या भुवया उंचावल्या आणि राजकीय वर्तुळात लागलीच उलटसुलट चर्चा सुरू झाल्या.

अजित पवार पुन्हा घडवणार भूकंप?

अजित पवार हे आपल्या भावना मनात दाबून ठेवून राजकारण करणारे नेते नाहीत. आतापर्यंत अनेकदा त्यांनी अशा काही भूमिका घेतल्या आहेत किंवा त्यांची कृती अशी राहिली आहे की, ज्याने त्यांच्या पक्षात भूकंपाचे हादरे बसले आहेत. अनेकदा स्वत: शरद पवार देखील अडचणीत आले आहेत. असं असताना आता ज्या अर्थी सुप्रिया सुळेंची कार्याध्यक्ष पदी निवड झाली. त्यानंतर अजित पवार येत्या काही दिवसात राजकीय भूकंप घडविण्याची शक्यता राजकीय तज्ज्ञांकडून वर्तवली जात आहे.

त्यामुळे अजित पवार हे पुन्हा एकदा बंड पुकारणार का? की शरद पवार वेळीच त्यांच्या राजकीय आकांक्षांना आवर घालणार हे पाहणं अत्यंत महत्त्वाचं ठरणार आहे.