Exit Poll: प्रत्येकाचा अंदाज चुकवणारा निकाल, प. बंगालमधील एक्झिट पोलमधील धक्कादायक आकडे एकदा पाहाच!

टीएमसीने 2011 पासून सलग तीन विधानसभा निवडणुका जिंकून सत्ता राखली आहे. मात्र, यंदा मतदारांच्या मनात बदल झाल्याचे संकेत एक्झिट पोल्स देत आहेत. बहुमतासाठी 148 जागांची गरज असलेल्या 294 सदस्यांच्या विधानसभेत भाजपला 140 ते 170 जागांपर्यंत मजल मारल्याचे अंदाज आहेत. डीव्ही रिसर्चचा 

पाहा कोणत्या रिसर्च कंपनीने प. बंगाल विधानसभा निवडणुकीबाबत नेमका काय Exit Poll 

1. डीव्ही रिसर्चचा (DV Research) एक्झिट पोल

• TMC: 158 ते 174 जागा
• भाजप: 116 ते 132 जागा
• इतर: 02 ते 04 जागा

या पोलनुसार टीएमसी बहुमताच्या पार पोहोचू शकते, पण मागील निवडणुकीच्या तुलनेत त्यांच्या जागांमध्ये मोठी घट होत असल्याचं पाहायला मिळतंय.

हे ही वाचा>> समजून घ्या: निवडणूक आयोगाचा थेट पहारा! ऐन निवडणुकीत कोणते नवे नियम?

2. चाणक्य स्ट्रॅटेजीजचा (CHANAKYA STRATEGIES) एक्झिट पोल

• TMC: 130 ते 140 जागा
• भाजप: 150 ते 160 जागा
• काँग्रेस: 02 ते 04 जागा
• इतर: 04 ते 06 जागा

चाणक्य स्ट्रॅटेजीजने सर्वात आक्रमक अंदाज व्यक्त केला आहे. यात भाजपला स्पष्ट बहुमत मिळण्याची शक्यता दाखवण्यात आली आहे.

3. मेट्रिज (Matrize) एक्झिट पोल

• TMC: 125 ते 140 जागा
• भाजप: 146 ते 161 जागा
• इतर: 06 ते 10 जागा

मेट्रिजनेही भाजपला बहुमत देणारा अंदाज वर्तवला आहे. इतर पक्षांना थोडी अधिक जागा मिळण्याची शक्यता यात दिसते.

हे ही वाचा>> 'सर्वोच्च न्यायालयाच्या देखरेखीखाली अजित पवारांच्या मृत्यूची चौकशी करावी', ममता बॅनर्जी यांची मागणी

 

4. पोल डायरी (Poll Diary) एक्झिट पोल 

TMC: 99 ते 127 जागा  
भाजप: 142 ते 171 जागा
काँग्रेस: 03 ते 05 जागा
इतर: 02 ते 04 जागा

पोल डायरीने टीएमसीला सर्वात मोठा झटका दिला आहे. यात टीएमसीला 127 जागांपर्यंत मर्यादित ठेवण्यात आले असून, भाजपला 171 जागांपर्यंत मजल मारल्याचे सांगितले आहे.

चार एक्झिट पोल्सपैकी तीन (चाणक्य, मेट्रिज आणि पोल डायरी) मध्ये भाजपला बहुमत मिळण्याची शक्यता दर्शवण्यात आली आहे. फक्त डीव्ही रिसर्चने टीएमसीला थोडेसे पुढे दाखवले आहे. जर हे आकडे खरे ठरले तर ममता बॅनर्जी यांच्यासाठी हा मोठा धक्का ठरेल. कारण त्यांची 15 वर्षांची अबाधित सत्ता संपुष्टात येऊ शकते.

एक्झिट पोल्स हे केवळ अंदाज असतात आणि अंतिम निकाल 4 मे 2026 रोजी लागणार आहेत. तरीही देशभरात चर्चेला उधाण आले आहे. भाजपने बंगालमध्ये सत्ता स्थापन करण्यासाठी मोठा प्रयत्न केला असून, ममता बॅनर्जी यांनीही आपल्या पक्षाची ताकद वाढवण्यासाठी शेवटच्या क्षणापर्यंत प्रयत्न केले आहेत.

बंगालची राजकारणातील ‘गेम चेंजर’ ठरणारी ही निवडणूक पुढील काही दिवसांत काय चित्र उभे करेल, याकडे संपूर्ण देशाचे लक्ष लागले आहे. अंतिम निकालापर्यंत काहीही घडू शकते, पण एक्झिट पोल्सने निश्चितच ‘ममता दिदी’च्या बालेकिल्ल्याला सुरुंग लावण्याचा मोठा प्रयत्न केला आहे.