Ind vs Aus: भारताचा लाजिरवाणा पराभव, रोहित शर्मा फलंदाजांवर संतापला

Ind Vs Aus One Day : विशाखापट्टणम येथे झालेल्या मालिकेतील दुसऱ्या वनडेत ऑस्ट्रेलियाने भारतीय संघाचा पराभव केला. प्रथम फलंदाजी करताना टीम इंडियाने (Team India) केवळ 117 धावा केल्या होत्या, प्रत्युत्तरात ऑस्ट्रेलियाने केवळ 11 षटकांत हे लक्ष्य गाठले. या दणदणीत पराभवानंतर कर्णधार रोहित शर्माने ही खेळपट्टी 117 धावांची नव्हती असे विधान केले आहे. (After the biggest defeat in history, Rohit Sharma lashed out at these players)

सामन्यानंतरच्या प्रेझेंटेशन सेरेमनीमध्ये कर्णधार रोहित शर्मा म्हणाला, ‘हे निराशाजनक आहे, यात शंका नाही. आम्ही आमच्या क्षमतेनुसार खेळलो नाही, आम्ही फलंदाजीत पूर्णपणे अपयशी ठरलो. आम्हांला माहीत होतं की वाचवायला फारशा धावा नाहीत, पण ही खेळपट्टी मात्र 117 धावांची नव्हती.

Ind vs Aus : टीम इंडियाचा लाजिरवाणा पराभव, ऑस्ट्रेलियाचा टी20 स्टाईल विजय

रोहित शर्मा म्हणाला, ‘आम्हाला वारंवार अंतराने धक्के बसले, शुभमन पहिल्याच षटकात बाद झाला आणि त्यानंतर मी-विराटने 30-35 धावा झटपट जोडल्या. पण मी आऊट झाल्यावर आमच्या विकेट्स सातत्याने पडू लागल्या. यानेच आपल्याला बॅकफूटवर ढकलले, तरीही या परिस्थितीतून परत येणे कठीण आहे. तो आमचा दिवस नव्हता, असं रोहित म्हणाला.

टीम इंडियाची वाईट अवस्था

या सामन्यात ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. कोणत्याही भारतीय फलंदाजाला ऑस्ट्रेलियन गोलंदाजांचा सामना करता आला नाही. विराट कोहलीने 35 चेंडूत 31 तर अक्षर पटेलने दोन षटकारांसह नाबाद 29 धावा केल्या. स्टार्कने पहिल्या स्पेलमध्ये सहा षटकांत 31 धावा देत चार बळी घेतले. त्याने शुभमन गिल (0), रोहित शर्मा (13), सूर्यकुमार यादव (0) आणि केएल राहुल (9) यांना बाद केले.

सलग दुसऱ्या सामन्यात भारतीय संघाची सुरुवात खराब

सलग दुसऱ्या सामन्यात भारतीय संघाची सुरुवात खराब झाली आणि स्टार्कने पहिल्या पाच षटकांतच कहर केला. गिलला पहिल्याच षटकात खाते न उघडता बाद केल्यानंतर त्याने कोहली आणि रोहित शर्माची भागीदारीही फोडली. रोहितला पहिल्या स्लिपमध्ये स्टीव्ह स्मिथने झेलबाद केले, पुढच्याच चेंडूवर सूर्या LBW बाद झाला, मागच्या सामन्यातही तो पहिल्याच चेंडूवर बाद झाला होता.

Ind vs Aus 2nd ODI : स्टीव्ह स्मिथने अद्भुत कॅच पकडला; हार्दिक पांड्या बघतच राहिला

त्याने 9व्या षटकात केएल राहुलला (9) एलबीडब्ल्यू आऊट केले. नऊ षटकांनंतर भारताची धावसंख्या चार बाद 48 अशी झाली. 10व्या षटकाच्या पहिल्या चेंडूवर अॅबॉटने हार्दिक पांड्याला (1) स्मिथच्या हाती झेलबाद केले. कोहली आणि जडेजा यांनी सहाव्या षटकात 22 धावांची भागीदारी केली पण नॅथन एलिसने ही भागीदारी मोडून काढत कोहलीची मौल्यवान विकेट घेतली.जडेजा त्याचा पुढचा बळी ठरला आणि तो विकेटच्या मागे झेलबाद झाला.

विशाखापट्टणम One Day धावफलक

• भारत – 117/10, 26 षटके

• ऑस्ट्रेलिया – 121/0, 11 षटके

Ind vs Aus: गिल, सूर्या फ्लॉप, भारताचा दारुण पराभव; कोण आहे मॅचचा दोषी?