Tokyo Olympics 2020 : कुस्तीपटूंनी पदकाची आशा वाढवली, रवी कुमार-दीपक पुनिया उपांत्य फेरीत दाखल

यानंतर झालेल्या सामन्यात रवी कुमारने बल्गेरियाच्या वांगेलोव्ह वेलेन्टीनोव्हचा १४-४ असा धुव्वा उडवत उपांत्य फेरीत प्रवेश केला. आज दुपारी रवी कुमार आपला उपांत्य फेरीचा सामना खेळेल. हा सामना जिंकला तर रवी कुमारचं पदक निश्चीत होईल. परंतू हा सामना रवीने गमावला तरीही त्याची पदकाची आशा कायम राहिल. रेपिचाज राऊंडमध्ये रवीला ब्राँझ पदकासाठी खेळण्याची संधी मिळेल.

Tokyo Olympics 2020 : भालाफेकीत भारताला पदकाची आशा, नीरज चोप्रा अंतिम फेरीत दाखल

दुसरीकडे ८६ किलो फ्रिस्टाईल वजनी गटात भारताच्या दीपक पुनियाने धडाकेबाज खेळ करत उपांत्य फेरीचं तिकीट मिळवलं आहे. दीपकने चीनच्या झुशेन लीनचा ६-३ ने पराभव केला. त्याआधीच्या सामन्यात दीपक पुनियाने नायजेरियाच्या प्रतिस्पर्ध्यावर १२-१ ने मात केली होती. त्यामुळे या दोन्ही वजनी गटांमध्ये भारताला पदकाची आशा निर्माण झाली आहे.

टोकियो ऑलिम्पिकआधी पोलंडमध्ये एका सराव स्पर्धेत रवी कुमार सहभागी झाला नव्हता. दुखापत टाळण्यासाठी त्याने हा निर्णय घेतला होता. काही वर्षांपूर्वी रवी कुमारने ८६ किलो वजनी गटात ज्युनिअर वर्ल्ड कुस्ती अजिंक्यपद स्पर्धेत सुवर्णपदक जिंकत भारताचा १८ वर्षांचा दुष्काळ संपवला होता.

एकीकडे भारतीय पुरुषांनी आश्वासक कामगिरी केली असताना महिला कुस्तीत भारताला निराशा पदरी पडली आहे. १९ वर्षीय अंशु मलिकचा बेलारुच्या खेळाडूने ८-२ ने पराभव केला.