”बंद करा तो टीव्ही…”, टीम इंडिया झाली सोशल मीडियावर ट्रोल

India vs Australia World cup Final 2023 Viral Memes: भारत आणि ऑस्ट्रेलियाचा (Ind Vs Aus) आज अंतिम सामना (Final Match) होत आहे. हा सामना अहमदाबादमधील नरेंद्र मोदी स्टेडियममध्ये होत आहे. सामन्याआधी ऑस्ट्रेलियन कर्णधार पॅट कमिन्सने नाणेफेक जिंकून प्रथम गोलंदाजी करण्याचा निर्णय घेतला.

कमिन्सला जोरदारपण प्रत्युत्तर

रोहित शर्माने या सामन्यात पुन्हा एकदा शानदार फलंदाजी करत टीम इंडियाला जबरदस्त सुरुवात करुन दिली होती. त्याने दुसऱ्याच षटकात 2 चौकार मारून पॅट कमिन्सला तेवढ्याच जोरदारपण प्रत्युत्तर देण्याचा प्रयत्न केला. त्यामुळे रोहितने 31 चेंडूमध्ये 47 धावांची शानदार खेळी केली.

श्रेयस अय्यर तंबूत

या सामन्यात टीम इंडियाची पहिली विकेट शुबमन गिलची गेली. शुभमनने 4.2 षटकात 30 धावा झाल्या असताना तो बाद झाला. यावेळी रोहित जबरदस्त जोमात दिसत होता. त्यावेळी त्याने भारताची धावसंख्या 76 वर नेऊन ठेवली होती. भारताची 76 धावसंख्या झालेली असतानाच 81 वर भारताचा तिसरा धक्का बसला आणि श्रेयस अय्यर तंबूत परतला.

हे ही वाचा >> World Cup Final : पॅलेस्टाईन समर्थक सुरक्षा भेदून मैदानात घुसला, कोहलीच्या खांद्यावर हात टाकला अन्…

मीम्सचे वादळ

टीम इंडियाचे खेळाडू एका पाठोपाठ बाद होऊ लागल्यानंतर सोशल मीडियावर मीम्सचे जोरदार वादळ सुरु झाले. यावेळी श्रेयस अय्यरच्या फलंदाजीवर सोशल मीडियावरुन त्याच्या टीका करण्यात येऊ लागली. त्याच्यावर टीका करताना एकाने कमेंट केली आहे की, या सामन्यात पॅट कमिन्सने सगळ्यात भारी चेंडू हा श्रेयस अय्यरसाठी राखून ठेवला होता.

आधी टीव्ही बंद कर

तर एका यूजरने मजेशीर मीम्स शेअर करत तारक मेहता का उल्टा चष्मा मालिकेचा संदर्भ देत त्यावरुन टीका केली आहे. त्याने म्हटले आहे की, श्रेयस आणि रोहित बाद झाल्यानंतर माझ्या वडिलांनी प्रतिक्रिया दिली की, म्हणजेच वडील चंपकलाल आपला मुलगा जेठालालला म्हणत आहे की, अरे तुझा ती टीव्ही आधी बंद कर.

अय्यर ठरला फ्लॉप

तर एका यूजर्सने म्हटले आहे की, ज्या ज्यावेळी मोठ मोठ्या सामने होतात आणि त्यामध्ये ज्यावेळी फलंदाजी करणाऱ्यांची चर्चा होते, त्यावेळी मात्र श्रेयस अय्यर हा फ्लॉप ठरलेला असतो.

भारतीय टीम: रोहित शर्मा (कॅप्टन), शुभमन गिल, विराट कोहली, श्रेयस अय्यर, केएल राहुल(यष्टीरक्षक), सूर्यकुमार यादव, रवींद्र जडेजा, मोहम्मद शमी, कुलदीप यादव, जसप्रीत बुमराह, मोहम्मद सिराज.

ऑस्ट्रेलिया संघ: डेव्हिड वॉर्नर, ट्रॅव्हिस हेड, मिचेल मार्श, स्टीव्ह स्मिथ, मार्नस लॅबुशेन, ग्लेन मॅक्सवेल, जोश इंग्लिस (यष्टीरक्षक), पॅट कमिन्स (कर्णधार), मिचेल स्टार्क, अॅडम झाम्पा, जोश हेझलवूड.