Personal Finance: शेअर्स, सोने की रिअल इस्टेट, 'ही' गुंतवणूक ठरली पैसे छापायचं मशीन!
Best Investment Option: सोने हा शतकानुशतके भारतीयांचा आवडता गुंतवणूक पर्याय आहे. गेल्या काही वर्षांत लोक शेअर बाजार आणि मालमत्तेतही भरपूर पैसे गुंतवत आहेत. पण या तीन गुंतवणूक पर्यायांपैकी कोणत्या पर्यायाने गुंतवणूकदारांना जास्त नफा दिला आहे? जाणून घ्या...
ADVERTISEMENT
Personal Finance Tips for Best Investment Option: शेअर बाजार, सोने आणि स्थावर मालमत्ता हे दशकांपासून गुंतवणूकदारांचे आवडते गुंतवणूक पर्याय आहेत. या तिन्ही मालमत्तांमध्ये भरपूर पैसे गुंतवले जातात. पण, तुम्हाला माहिती आहे का की जर तुम्ही वीस वर्षांपूर्वी शेअर्स, सोने किंवा रिअल इस्टेटमध्ये पैसे गुंतवले असते तर तुम्हाला जास्त पैसे कुठून मिळाले असते? चला याचबाबत सविस्तर जाणून घेऊया.
2005 मध्ये, जर तुम्ही या तिन्हींमध्ये पैसे गुंतवले असते तर तुम्हाला शेअर्स आणि सोने यातून जास्त परतावा मिळाला असता. परताव्याच्या बाबतीत, मालमत्ता म्हणजेच रिअल इस्टेट या दोन्हींपेक्षा खूप मागे आहे. हे पहिल्यांदाच घडले नाही. जरी तुम्हाला वाटत असेल की मालमत्तेचे दर दिवसेंदिवस वाढत आहेत, तरीही रिअल इस्टेट कधीही शेअर बाजाराच्या परताव्यावर मात करू शकलेलं नाही.
काही प्रसिद्ध झालेल्या अहवालांच्या आकडेवारीनुसार, गेल्या 20 वर्षांत 30 जून 2025 पर्यंत, शेअर बाजाराने (Nifty 50 TRI)दरवर्षी सरासरी 14.4% परतावा दिला आहे. म्हणजेच, वीस वर्षांत, शेअर बाजारात गुंतवलेले पैसे 14.7 पट वाढले आहेत. उदाहरणार्थ ज्याने 1 लाख रुपये गुंतवले होते त्याचे 14.7 लाख रुपये झाले आहेत.
दुसरीकडे या काळात सोन्याने 14.4% परतावा दिला आहे आणि पैशाचा गुणक 14.8 पट होता. परंतु 15 वर्षांच्या सीएजीआरच्या बाबतीत, सोने शेअर बाजाराच्या मागे राहिले आहे. या काळात सोन्याने 11.1% CAGR दिला आहे, तर निफ्टी 50 ने 12.4% परतावा दिला आहे. रिअल इस्टेटने 20 वर्षांत फक्त 7.7% सीएजीआर परतावा दिला आहे आणि पैशाची वाढ फक्त 4.4 पट झाली आहे.
