Lalbaugcha Raja Visarjan LIVE: लालबागच्या राजाचा विसर्जन सोहळा अखेर पुन्हा सुरू, तब्बल 12 तास राजाचं विसर्जन का रखडलं?

Lalbaghcha Raja Visarjan : मुंबईसह देशभरात गणेशोत्सव सण मोठ्या जल्लोषात साजरा केला जातो. जगभरातून असंख्य गणेश भक्त लालबागच्या राजाच्या दर्शनासाठी अलोट गर्दी करतात. पण, यंदा याच लालबागच्या राजाच्या विसर्जनाला विलंब झाल्याचं दिसून आलं. गिरगाव चौपाटीवरील समुद्रात विसर्जनासाठी स्वयंचलित हायड्रोलिक यंत्रणेसह खास लालबागच्या राजासाठी खास तराफा तयार करण्यात आला होता. बाप्पा केवळ पाच फुटापर्यंतच पाण्यात स्थिरावलेले दिसून येत होते. त्यानंतर तब्बल 12 तास हे विसर्जन लाबलं आहे. दरवर्षी सकाळी 10 ते 11 वाजेपर्यंत राजाचं विसर्जन होतं. मात्र, यंदा भरतीच्या आधी तराफ्यावर मूर्ती चढू न शकल्याने सकाळी बाप्पाचं विसर्जन झालं नाही. अखेर आता थोड्याच वेळी लालबागच्या राजाचं विसर्जन हे सुरू झालं आहे.