मुंबई : लग्न समारंभात मुलीची छेड काढली, नराधमाला पकडण्यासाठी धावले, पण 9 जणांसोबत भयंकर घडलं!

बचावकार्य आणि एका तरुणाचा दुर्दैवी अंत

या घटनेची माहिती मिळताच अग्निशमन दल आणि स्थानिक पोलिसांनी तातडीने घटनास्थळी धाव घेतली. टाकीत पडलेल्या नऊ जणांना बाहेर काढण्यासाठी मोठी कसरत करावी लागली. या अपघातात 25 वर्षीय भालचंद्र गणेश पल्ले हा तरुण गंभीर जखमी झाला होता. त्याला तातडीने फोर्टिस हॉस्पिटलमध्ये दाखल करण्यात आले, मात्र उपचारादरम्यान त्याचा दुर्दैवी मृत्यू झाला.  एका क्षुल्लक वादामुळे सुरू झालेला हा घटनाक्रम एका तरुणाच्या जीवावर बेतला असून, लग्नाच्या घरात आता शोककळा पसरली आहे.

जखमींची नावे खालील प्रमाणे  -

1.अनिकेत महेश पाटील (वय 21 वर्ष किरकोळ जखमी)
2. श्रेयस संदीप सुर्वे  (वय 25 वर्ष किरकोळ जखमी)
3. ऋषिकेश केशव कदम (वय 25 वर्ष किरकोळ जखमी)
4. भालचंद्र गणेश पल्ले (वय 25 वर्ष गंभीर जखमी फोर्टिस हॉस्पिटल येथे - मयत)
5. आदित्य शिवाजी आहेर (वय 25 वर्ष किरकोळ जखमी)
6. संकेत नामदेव जुवाटकर (वय 25 वर्ष किरकोळ जखमी)
7. जयदत्त पंचानंत शहा (वय 21 वर्ष बिल्डिंग कामगार किरकोळ जखमी)
8. अंकित कुमार रॉय (वय 19 वर्ष बिल्डिंग कामगार किरकोळ जखमी)
9 मजूर हरिशंकर पासवान, (वय 25 वर्षे  जखमी - मुलुंड जनरल हॉस्पिटल)

मजुरांचाही समावेश आणि पोलीस तपास सुरू

मदत करण्यासाठी धाव घेतलेल्या तीन बांधकाम कामगारांचाही या दुर्घटनेत समावेश आहे. जयदत्त पंचानंत शहा, अंकित कुमार रॉय आणि हरिशंकर पासवान हे तिन्ही मजूर या अपघातात जखमी झाले असून, हरिशंकर पासवान यांना मुलुंड जनरल हॉस्पिटलमध्ये उपचारासाठी दाखल करण्यात आले आहे. इतर जखमींवर सिटी केअर हॉस्पिटलमध्ये उपचार सुरू आहेत. स्थानिक शिवसेना (UBT) नेत्यांच्या म्हणण्यानुसार, हा संपूर्ण प्रकार संतापाच्या भरात आणि अंधारात रस्ता न समजल्यामुळे घडला आहे. निर्माणाधीन इमारतीमधील धोकादायक ठिकाणी योग्य सुरक्षा व्यवस्था नसल्याने हा अपघात इतका भीषण ठरल्याचे बोलले जात आहे.