क्षणात जीव घेणारा आजार! नाना पाटेकर यांच्या निधनानंतर कार्डियक अरेस्ट चर्चेत, हृदयविकारापेक्षा नेमकं काय वेगळं?
नाना पाटेकर यांच्या निधनानंतर कार्डियक अरेस्ट पुन्हा चर्चेत आला आहे. कार्डियक अरेस्टची लक्षणे, कारणे, हार्ट अटॅकपेक्षा त्यातील फरक आणि अशा आपत्कालीन परिस्थितीत CPR कसा महत्त्वाचा ठरतो, जाणून घ्या.
ADVERTISEMENT
मुंबई: ज्येष्ठ अभिनेते नाना पाटेकर यांच्या निधनाच्या वृत्ताने सिनेसृष्टीसह त्यांच्या चाहत्यांना मोठा धक्का बसला आहे. 75 वर्षीय नाना पाटेकर गोव्यातील त्यांच्या फ्लॅटमध्ये बेशुद्ध अवस्थेत आढळून आले. त्यांना छातीत तीव्र वेदना होत असल्याची तक्रार होती. त्यानंतर मणिपाल हॉस्पिटलची वैद्यकीय टीम त्यांच्या फ्लॅटवर पोहोचली. त्यांना रुग्णालयात नेण्यात आले; मात्र सकाळी 5.20 वाजता त्यांना मृत घोषित करण्यात आले. प्राथमिक माहितीनुसार, त्यांच्या मृत्यूचे कारण कार्डियक अरेस्ट असल्याचे सांगितले जात आहे. या प्रकरणात पोस्टमार्टमही करण्यात येणार असल्याचे वृत्तात नमूद आहे. त्यांच्या मुलानेही निधनाची पुष्टी केली आहे.
नाना पाटेकर यांच्या निधनानंतर कार्डियक अरेस्ट नेमका काय असतो आणि तो हार्ट अटॅकपेक्षा कसा वेगळा आहे, याची चर्चा पुन्हा सुरू झाली आहे.
कार्डियक अरेस्ट म्हणजे काय?
सोप्या भाषेत सांगायचे झाल्यास, कार्डियक अरेस्टमध्ये हृदयाच्या ठोक्यांवर नियंत्रण ठेवणाऱ्या इलेक्ट्रिकल सिस्टममध्ये अचानक बिघाड होतो. त्यामुळे हृदय सामान्य पद्धतीने धडधडणे थांबवते आणि शरीरात रक्ताचा पुरवठा थांबतो. याचा थेट परिणाम मेंदूसह शरीरातील महत्त्वाच्या अवयवांना मिळणाऱ्या ऑक्सिजनवर होतो.
ही अत्यंत गंभीर वैद्यकीय आणीबाणी आहे. व्यक्ती काही क्षणांत बेशुद्ध होऊ शकते आणि सामान्य पद्धतीने श्वास घेणे थांबवू शकते. त्यामुळे अशा परिस्थितीत प्रत्येक सेकंद महत्त्वाचा ठरतो.