सर्वोच्च न्यायालयात अपील

या निवडणुकीच्या सुरुवातीला निवडणूक निर्णय अधिकाऱ्यांनी विक्रम सावंत यांचे आक्षेप फेटाळून लावत गोपीचंद पडळकर यांचा अर्ज वैध ठरवला होता. मात्र, या निर्णयाविरोधात माजी आमदार विक्रम सावंत यांनी मुंबई उच्च न्यायालयाच्या कोल्हापूर सर्किट बेंचमध्ये धाव घेतली होती. उच्च न्यायालयाने सावंत यांचे आक्षेप ग्राह्य धरत पडळकरांची उमेदवारी रद्दबातल ठरवली होती. उच्च न्यायालयाचा हा निकाल तांत्रिक मुद्द्यांच्या आधारावर झाल्याचे सांगत पडळकरांनी तात्काळ सर्वोच्च न्यायालयात अपील दाखल केले होते.

हे ही वाचा : तीन महिन्यापूर्वी IT जॉबसाठी पुण्यात शिफ्ट झालेल्या तरुणासोबत काय घडलं?

राजकीय हालचालींना वेग

सर्वोच्च न्यायालयाच्या या सकारात्मक निकालानंतर जत विकास सेवा सोसायटी गटातून पडळकरांचा अर्ज अधिकृतपणे कायम राहिला आहे. ते पुन्हा निवडणुकीच्या रिंगणात उतरल्यामुळे सांगली जिल्हा बँकेच्या एकूण 21 जागांसाठी होणारी निवडणूक आता अत्यंत चुरशीची होणार हे निश्चित झाले आहे. या घडामोडींमुळे राजकीय वर्तुळाचे लक्ष या निवडणुकीकडे लागले असून दोन्ही बाजूंनी राजकीय हालचालींना वेग आला आहे.

हे ही वाचा : Maharashtra Weather : राज्यातील वातावरण फिरलं, पुन्हा पाऊस घालणार धिंगाणा?

कार्यकर्त्यांचा जल्लोष

न्यायालयाचा हा निकाल येताच जत शहरात भाजप कार्यकर्त्यांनी एकच जल्लोष केला. कार्यकर्त्यांनी मोठ्या प्रमाणावर फटाके फोडून आणि घोषणाबाजी करत आनंद व्यक्त केला. हा निकाल म्हणजे न्यायदेवतेवरील विश्वासाचा विजय असून आगामी निवडणुकीत पडळकर यांचा विजय निश्चित असल्याचा विश्वास कार्यकर्त्यांनी यावेळी व्यक्त केला.