बीड : सातबारा दुरुस्तीसाठी तहसीलदारांची बनावट सही केली, नायब तहसीलदार आशा वाघ यांच्यावर गुन्हा दाखल
Beed News : नायब तहसीलदार असताना आशा वाघ यांनी हा अधिकार नसतानाही संबंधित फायली स्वतःकडे घेतल्या आणि मे-जून 2025 दरम्यान तहसीलदारांच्या नावाने बनावट स्वाक्षरी करून बेकायदेशीरपणे आदेश काढले.
ADVERTISEMENT
बातम्या हायलाइट
बीड : सातबारा दुरुस्तीसाठी तहसीलदारांची बनावट सही केली
नायब तहसीलदारावर गुन्हा दाखल
बीड : केज तालुक्यातील तहसीलदारांची बनावट स्वाक्षरी करून खोटी आदेशपत्रे जारी केल्याप्रकरणी केजचे तत्कालीन निवासी नायब तहसीलदार आशा दयाराम वाघ-गायकवाड यांच्याविरोधात केज पोलिस ठाण्यात गुन्हा दाखल करण्यात आलाय. केजचे तहसीलदार राकेश गिड्डे यांनी दिलेल्या तक्रारीनुसार, महाराष्ट्र जमीन महसूल अधिनियम 1966 मधील कलम 155 नुसार सातबारा उताऱ्यातील चूक दुरुस्त करण्याचे अधिकार फक्त तहसीलदारांकडे असतात. मात्र, नायब तहसीलदार असताना आशा वाघ यांनी हा अधिकार नसतानाही संबंधित फायली स्वतःकडे घेतल्या आणि मे-जून 2025 दरम्यान तहसीलदारांच्या नावाने बनावट स्वाक्षरी करून बेकायदेशीरपणे आदेश काढले.
अर्धन्यायिक स्वरूपाचे हे प्रश्न सोडवण्याचा अधिकार केज तहसीलदारांकडे असतानाही त्यांना वगळून आशा वाघ यांनी प्रशासनाची दिशाभूल करत नियमबाह्य पद्धतीने निर्णय दिल्याचे नमूद करण्यात आले आहे. सध्या त्या छत्रपती संभाजीनगर येथे संजय गांधी योजनेसाठी तहसीलदार पदावर कार्यरत आहेत.
हेही वाचा : जालना : नायब तहसीलदारांच्या टेबलवर फेकले पैसे, लाच मागितल्याने हायहोल्टेज ड्रामा; पाहा व्हिडीओ
या गावांमध्ये झाले खोटे आदेश
मौजे दहिफळ वडमाऊली (गट क्र. 22), मौजे लाडेवडगाव (गट क्र. 58), मौजे नांदुरघाट (गट क्र. 261/2) आणि मौजे वाघेबाभुळगाव (गट क्र. 40/1) या चार गावांसाठीचे आदेश बनावट असल्याचे उघड झाले आहे.
हे वाचलं का?
