जळगाव : कोणी नसताना ZP शिक्षक विद्यार्थीनीला वर्गखोलीत बोलावायचा, अन्...

हेही वाचा : कोल्हापूर : पत्नी अन् 2 लेकरांचा डोळ्यासमोर मृत्यू, अडीच वर्ष आठवणींनी छळलं; शेवटी...

पीडित चिमुरडी आपल्या कुटुंबीयांसह धरणगाव तालुक्यातील एका गावात राहते आणि तिथल्याच जिल्हा परिषद शाळेत आपले प्राथमिक शिक्षण घेत आहे. मात्र, ज्ञानदान करणाऱ्या शिक्षकानेच तिच्या असहायतेचा गैरफायदा घेत गेल्या दोन वर्षांपासून धमक्या देऊन तिच्यावर सातत्याने अत्याचार सुरू ठेवले होते. संशयित आरोपी शिक्षक नंदलाल मराठे हा शाळा भरण्यापूर्वीच सकाळी दहा वाजता पीडित मुलीला वर्गखोलीत झाडू मारण्याच्या बहाण्याने शाळेत एकटीला बोलावून घेत असे. शाळेत इतर कोणीही नसल्याचा आणि एकांताचा फायदा घेऊन तो तिच्यासोबत अत्यंत घृणास्पद कृत्य करायचा. आरोपी एवढ्यावरच थांबला नाही, तर तो चिमुरडीला आपल्या मोबाईल फोनवर अश्लील व्हिडिओ दाखवून तिचे मानसिक आणि शारीरिक शोषण करत असे. ही विकृत आणि अमानुष कृत्ये कोणालाही न सांगण्यासाठी तो तिला सतत धमक्या देत होता, ज्यामुळे घाबरलेली मुलगी एवढे दिवस काहीही बोलू शकली नव्हती. नुकत्याच संपलेल्या शैक्षणिक वर्षाच्या शेवटच्या दिवशी म्हणजेच 30 एप्रिल 2026 रोजी देखील या नराधम शिक्षकाने सर्व मर्यादा ओलांडून तिच्यावर पुन्हा एकदा अत्याचार केला होता.

हेही वाचा : प्रायव्हेट पार्टमध्ये लोखंड घासण्याचं हत्यार, कवटीचे हाड तुटले; प्रेमविवाहाचा भयानक अंत

मोबाईलवर अश्लील व्हिडिओ दाखवून दोन वर्षांपासून अत्याचार

या धक्कादायक प्रकाराची माहिती जेव्हा पीडित मुलीच्या कुटुंबीयांना मिळाली, तेव्हा त्यांच्या पायाखालची जमीनच सरकली. शिक्षकाच्या या छळाला कंटाळलेल्या मुलीची परिस्थिती पाहून तिच्या आईने तातडीने धरणगाव पोलीस ठाणे गाठून नराधम शिक्षकाविरोधात तक्रार नोंदवली. आईच्या फिर्यादीवरून पोलिसांनी तात्काळ पावले उचलत आरोपी शिक्षक नंदलाल नारायण मराठे याच्याविरुद्ध पोक्सो कायद्याच्या संबंधित कलमांनुसार गुन्हा दाखल केला आहे. शाळेसारख्या पवित्र ठिकाणी अश्लील व्हिडिओ दाखवून चिमुरडीचे शोषण करण्याच्या या प्रकारामुळे पालकांमध्ये आणि संपूर्ण जळगाव जिल्ह्यात तीव्र संतापाची लाट उसळली आहे.

आईच्या फिर्यादीवरून शिक्षकावर पोक्सो अंतर्गत गुन्हा आणि अटक

गुन्हा दाखल झाल्यानंतर धरणगाव पोलिसांनी या प्रकरणाचे गांभीर्य ओळखून तातडीने तपास चक्र फिरवली आणि नराधम शिक्षक नंदलाल मराठे याला बेड्या ठोकत अटक केली आहे. शिक्षकी पेशाला आणि समाजाला लाजवणाऱ्या या गंभीर गुन्ह्याबाबत पोलिसांनी सखोल चौकशी सुरू केली आहे. एका चिमुरडीवर दोन वर्षांपासून धमक्या देऊन होणाऱ्या या अत्याचाराचा उलगडा झाल्याने शिक्षण क्षेत्रातही खळबळ उडाली आहे. पोलीस सध्या या प्रकरणाचा पुढील कायदेशीर तपास करत असून आरोपीला कडक शिक्षा व्हावी यासाठी आवश्यक ते पुरावे गोळा करण्याचे काम पोलिसांकडून केले जात आहे.