काय आहेत प्रमुख मागण्या?

युनियनच्या मुख्य मागण्यांमध्ये बेस्ट कर्मचाऱ्यांचे दीर्घकाळापासून रखडलेले वेतन करार तातडीने पूर्ण करणे समाविष्ट आहे. युनियनने 2016 ते 2021 आणि 2021 ते 2026 या कालावधीतील वेतन करार त्वरित लागू करण्याची जोरदार मागणी केली आहे. याशिवाय कर्मचाऱ्यांना सातव्या वेतन आयोगाच्या शिफारसी लागू करून मुंबई महापालिकेच्या कर्मचाऱ्यांप्रमाणेच समान वेतनश्रेणी देण्यात यावी, अशी प्रमुख मागणीही प्रशासनासमोर ठेवण्यात आली आहे.

हे ही वाचा : 44 वर्षीय हसीनाचे 23 वर्षीय तरुणासोबत अनैतिक संबंध, अडथळा ठरणाऱ्या 40 वर्षीय पार्टनरची हत्या

सरकारने निधी मंजूर करावा

बेस्ट वर्कर्स युनियनने वेट लीज तत्त्वावर काम करणाऱ्या कंत्राटी कर्मचाऱ्यांच्या मुद्द्यावरही भर दिला आहे. खासगी कंपन्यांमार्फत कार्यरत असलेल्या या कर्मचाऱ्यांना 'समान काम, समान वेतन' या तत्त्वाच्या आधारे योग्य वेतन आणि सोयी-सुविधा मिळाव्यात, अशी मागणी करण्यात आली आहे. यासोबतच सेवानिवृत्त कर्मचाऱ्यांचे ग्रॅच्युटी आणि इतर थकीत दावे वेळेत मंजूर करावेत तसेच बेस्ट उपक्रमाची बिकट आर्थिक स्थिती सुधारण्यासाठी आवश्यक असणारा निधी सरकारने त्वरित मंजूर करावा, असा आग्रह धरण्यात आला आहे.

हे ही वाचा : बंद खोलीत महिला गळफास घेतलेल्या अवस्थेत, दोन मुली पलंगावर मृतावस्थेत

कुठं सुरु आहे आंदोलन?

आजपासून (18 ऑगस्ट) मुंबईतील ऑपेरा हाऊस येथील 42 कॅनेडी ब्रिजस्थित 'बेस्ट वर्कर्स युनियन'च्या मध्यवर्ती कार्यालयात सुरू होईल. कर्मचाऱ्यांच्या प्रलंबित मागण्यांवर जोपर्यंत ठोस आणि सकारात्मक निर्णय होत नाही, तोपर्यंत हे उपोषण असेच सुरू राहील, असा ठाम इशारा सरचिटणीस शशांक राव यांनी दिला आहे. यावर आता काय निर्णय घेतला जातो याकडे सर्वांचं लक्ष लागलं आहे.