कोकण भागातील 'या' जिल्ह्यात मुसळधार पावसाची शक्यता, पुण्यासह काही भागातील धरणातून पाण्याच्या विसर्गाचा धोका

Maharashtra Weather : हवामान विभागाने 10 ऑगस्ट रोजी हवामानाचा सविस्तर अंदाज जाहीर केला आहे. ऑगस्ट महिन्यात पावसाने राज्यात दरवर्षीच्या तुलनेत लवकर प्रवेश केला आहे. मात्र, असे असले तरीही, ऑगस्ट महिन्यात पावसाचा जोर कमी-अधिक राहण्याची शक्यता आहे. अशातच  हवामान विभागाने एकूण मान्सूनच्या परिस्थितीवर भाष्य केले आहे.

हे ही वाचा : नवरा गेला नदीवर अंघोळ करायला, बॉयफ्रेंडनं पत्नीला गाडीत बसवलं अन्...पती आला रडकुंडीला

कोकण :

राज्यातील कोकण भागात जोरदार पावसाची शक्यता आहे. त्यात रायगड, रत्नागिरी, सिंधुदुर्ग या जिल्ह्यांचा समावेश होतो. या भागांमध्ये काही ठिकाणी 50-70 मिमी पावसाची शक्यता आहे. विशेषत: रत्नागिरी आणि सिंधुदुर्गात अधिक पावसाची शक्यता असल्याचा हवामान विभागाने अंदाज वर्तवला आहे.

पश्चिम महाराष्ट्र :

दुसरीकडे पश्चिम महाराष्ट्रातील पुणे, सातारा आणि कोल्हापूर येथे हलक्या ते मध्यम स्वरुपाच्या पावसाची शक्यता आहे. काही ठिकाणी चांगल्या पावसाची स्थिती असल्याचा हवामान विभागाने अंदाज वर्तवला आहे. पुण्यातील धरण क्षेत्रांमध्ये पाण्याचा साठा वाढण्याची शक्यता आहे. दरम्यान, धरणातून पाण्याचा विसर्ग वाढण्याची शक्यता आहे. 

विदर्भ :

विदर्भातील नागपूर, अमरावती, गडचिरोली, गोंदिया आणि भंडारा या जिल्ह्यांमध्ये विजांच्या कडकडाटासह पावसाची शक्यता आहे. तर काही ठिकाणी मान्सूनचा येलो अलर्ट जारी करण्यात आला आहे. गोंदिया आणि गडचिरोली येथे जुलै महिन्यात पूरजन्य परिस्थिती निर्माण झाली आहे. याचपाश्वभूमीवर प्रशासनाने सतर्कतेचे निर्देश दिले आहेत.

मराठवाडा :

मराठवाडा विभागातील छत्रपती संभाजीनगर, जालना, बीड आणि खानदेशातील जळगाव, धुळे येथे हलक्या सरींसह ढगाळ वातावरण राहील. काही ठिकाणी मध्यम पावसाची शक्यता आहे, परंतु अतिवृष्टीचा धोका कमी आहे.

मध्य महाराष्ट्र :

हे ही वाचा : काकीचा जडला पुतण्यावर जीव, नवरा बाहेर गेल्यानंतर बोलवायची घरात अन् दोघेही...नंतर नवऱ्याला दिली धमकी

नाशिक, सोलापूर आणि सांगली येथे हलक्या ते मध्यम पावसाचा अंदाज आहे. नाशिकमधील 11 धरणे 100 % भरली असून, गंगापूर धरणातील पाणीसाठा 79.65 % आहे.