कामाची बातमी: आता लवकरच येणार नवीन टोल पॉलिसी; 'या' पद्धतीने करा फास्टॅग अपग्रेड
भारतात नवीन टोल प्रक्रिया लागू होणार असल्याची घोषणा करण्यात आली आहे. यासाठी आधुनिक प्रक्रियांचा सुद्धा समावेश होणार आहे. फास्टॅग अपग्रेड करण्यासाठी काय आणि कसं करावं? याविषयी जाणून घ्या.
ADVERTISEMENT
बातम्या हायलाइट
भारतात येणार नवीन टोल धोरण
नवीन टोल कर धोरण लागू होणार असल्याची घोषणा
नवीन टोल प्रक्रियेसाठी कोणत्या गोष्टींकडे लक्ष देणं गरजेचं?
New Toll Policy: भारतातील टोलच्या कर प्रक्रियेत लवकरच मोठा बदल होणार असल्याची घोषणा करण्यात आली आहे. पुढील काही दिवसात टोलचे नवीन धोरण लागू करणार असल्याची घोषणा केंद्रीय रस्ते आणि परिवहन मंत्री नितीन गडकरी यांनी केली आहे. सरकार टोल वसूल करण्याच्या प्रक्रियेत मोठा बदल करणार असल्याचे समोर आले आहे. आता डिस्टेंस बेस्ड टोल कलेक्शन म्हणजेच 'Pay per Km(प्रति किमी भरा) अशी सिस्टम लागू करण्याच्या तयारीत असल्याचे दिसून आले आहे. आता तुम्ही हायवेवर किती अंतर प्रवास करता, यावर तुमच्या टोलची किंमत अवलंबून असणार आहे.
तसेच, ही सिस्टम लागू होण्यापूर्वी FASTag (फास्टटॅग) शी संबंधित काही महत्त्वाच्या अपडेट्स आणि अपग्रेड्सबद्दल जाणून घ्या, जेणेकरून तुम्ही कोणत्याही अडचणीशिवाय या नवीन धोरणाचा लाभ घेऊ शकाल.
नवीन टोल धोरण नेमकं काय आहे?
आतापर्यंत देशात एक निश्चित टोल सिस्टम लागू होती. म्हणजेच, टोल प्लाझावरुन तुम्ही अगदी थोड्या अंतरावर जरी प्रवास केला तरी तुम्हाला टोलची पूर्ण रक्कम भरावी लागत होती. परंतु, आता या नवीन टोल धोरणामुळे टोल वसूल करण्याची प्रक्रिया अधिक सोपी, पारदर्शी आणि वाजवी बनवण्याचा प्रयत्न केला जात आहे. यामध्ये 'वार्षिक टोल पास सुविधा' हा सगळ्यात मोठा बदल असणार आहे. या सुविधेमुळे तुम्ही एकाच वेळी वर्षभराचा टोल कर जमा करु शकणार आहात, जेणेकरुन तुम्हाला वेळोवेळी टोल प्लाझावर थांबण्याची किंवा फास्टॅग रिचार्ज करण्याची गरज भासणार नाही. याव्यतिरिक्त, आता टोल प्लाझावर आधुनिक पद्धतीचा वापर केला जाणार आहे. याचाच अर्थ, जीपीएस आधारित टोल कलेक्शन सारख्या प्रक्रियेमुळे टोल कर भरताना येणाऱ्या अडथळ्यांना आळा घालता येऊ शकतो. जीपीएस आधारित प्रक्रियेमुळे वाहनाच्या लोकेशन म्हणजेच स्थानानुसार टोल कापला जाईल.
हे ही वाचा: SIP सारखी जबरदस्त कमाई आणि FD सारखे दर महिन्याला पैसे, SWP प्लॅन नेमका काय?
हे वाचलं का?
