मुलाचा नवस पूर्ण होताच साईचरणी 14 लाखांचा सोन्याचा मुकुट, ‘ही’ आहे साईभक्ताची कहाणी!

ताराचंद चोपकर आपल्या कुटुंबासह रायपूरहून शिर्डीत पोहोचले. यावेळी ते साईबाबांसाठी खास भेट घेऊन आले होते. ही भेट म्हणजे सुमारे 9 तोळे सोन्यापासून तयार करण्यात आलेला नक्षीदार मुकुट होता. या मुकुटाची किंमत अंदाजे 14 लाख रुपये असल्याचे सांगण्यात आले आहे. 

55 वर्षांपासून साईंच्या चरणी श्रद्धा

ताराचंद चोपकर यांचं साईबाबांशी असलेलं नातं आजचं नाही. ते गेल्या सुमारे 55 वर्षांपासून शिर्डीत येऊन साईबाबांचं दर्शन घेत आहेत. अनेक दशके त्यांच्या आयुष्यात बदल होत गेले, कुटुंब वाढलं, परिस्थिती बदलली; मात्र साईबाबांवरील त्यांची श्रद्धा कायम राहिली.