इंस्टाग्रामवरच्या मैत्रीने केला घात, अल्पवयीन मुलीवर चौघांकडून सामूहिक बलात्कार
Kalyan Crime: इंस्टाग्रामवर मैत्री करणं हे एका अल्पवयीन मुलीला बरंच महागात पडलं आहे. ऑनलाइन मैत्री केलेल्या तरुणाने अल्पवीयन मुलीवर सामूहिक बलात्कार केल्याची धक्कादायक घटना कल्याणमध्ये घडली आहे.
ADVERTISEMENT
Kalyan Crime News: कल्याण: कल्याणमध्ये राहणाऱ्या एका पंधरा वर्षीय अल्पवयीन मुलीवर चार मुलांनी आळीपाळीने बलात्कार केल्याची धक्कादायक घटना समोर आली आहे. याप्रकरणी कल्याण पूर्वेतील कोळसेवाडी पोलीस ठाण्यात गुन्हा दाखल आहे. या अनुषंगाने कोळशेवाडी पोलिसांनी चार जणांना ताब्यात घेतले असून यातील एक आरोपी अल्पवयीन असल्याचे समोर आले आहे. (minor girl cheated by instagram friend gang raped by four in Kalyan)
नेमकी घटना काय?
कल्याणमध्ये राहणारी 15 वर्षीय पीडित मुलीची सुरुवातीला आरोपीशी इंस्टाग्रामवर मैत्री झाली होती. त्यानंतर हळूहळू दोघांमध्ये चॅटिंगच्या माध्यमातून बातचीत सुरु झाली. काही दिवसांपूर्वी आरोपी तरुणाने माझे प्रेयसीसोबत भांडण झाले आहे त्यामुळे मी खूप निराश आहे. असे सांगून पीडित मुलीला भेटण्यास बोलावलं. जेव्हा मुलगी आरोपी तरुणाला भेटण्यासाठी गेली तेव्हा त्याने तिला एका रूमवर नेलं.
यावेळी तरुणाने अतिप्रसंग करत मुलीवर बलात्कार केला. तरुण एवढ्यावरच थांबला नाही तर त्याने दुसऱ्या दिवशीही बोलवून तिच्यावर अतिप्रसंग केला. पण यावेळी त्याने आपल्या तीन मित्रांनाही येथे बोलावलं होतं. त्यामुळे या तिघांनीही मुलीवर सामूहिक बलात्कार केला. याच दरम्यान, मुलगी बराच वेळ घरी परतली नसल्याने तिच्या कुटुंबीयांनी ती हरवली असल्याची तक्रार कोळसेवाडी पोलीस स्टेशनमध्ये दिली.
हे ही वाचा>> नवरा अचानक घरी आला, बायको 15 वर्षाच्या मुलासोबत होती ‘त्या’ अवस्थेत…
ज्यानंतर पोलिसांनी याप्रकरणी तात्काळ तपास सुरू केल आणि पीडित तरुणीची सुटका केली. तसेच कोळसेवाडी पोलिसांनी अधिक तपास केला असता तिच्यावर सामूहिक बलात्कार झाला असल्याचे देखील समोर आले.
हे वाचलं का?
