Mira Road Murder: ‘मी HIV पॉझिटिव्ह, सरस्वतीसोबत…’ मनोज सानेचा दावा
Marathi news of Today: लिव्ह-इन पार्टनरची हत्या करुन तिच्या मृतदेहाची विल्हेवाट लावणाऱ्या मीरा रोडमधील आरोपी मनोज सानेने आपल्या कबुली जबाबात अनेक खळबळजनक दावे केले आहेत.
ADVERTISEMENT
Mira Road Murder Case: मुंबई: मुंबईजवळील मीरा रोड येथील गीता नगर भागात मनोज साने नावाच्या एका व्यक्तीची आपल्या लिव्ह-इन पार्टनरची निर्घृण हत्या (Mira Road Murder) केल्यानंतर ज्या पद्धतीने त्याने मृतदेहाची विल्हेवाट लावण्याचा प्रयत्न केला. त्या घटनेने संपूर्ण देश हादरवून गेला आहे. मनोज सानेने (Manoj Sane) सरस्वती वैद्य (Saraswati Vaidya) हिच्या मृतदेहाचे असंख्य तुकडे करुन ते प्रेशर कुकरमध्ये (Cooker) शिजवले आणि त्याची विल्हेवाट लावली. याच प्रकरणी अटक केलेल्या मनोज सानेने आता चौकशीदरम्यान एक खळबळजनक दावा केला आहे. त्याने पोलिसांना सांगितले की, तो एचआयव्ही पॉझिटिव्ह (HIV Positive) होता आणि त्याचे मृत महिलेशी कधीही शारीरिक संबंध नव्हते. (mira road murder manoj sane saraswati vaidya live in partner hiv positive daughter sexual relations crime news)
इंडियन एक्सप्रेसने दिलेल्या वृत्तानुसार, आरोपी मनोज सानेने पोलिसांना सांगितले की, सरस्वती वैद्य ही त्याला मुलीसारखी होती. एका वरिष्ठ पोलीस अधिकाऱ्याने सांगितले की, गुरुवारी अटक करण्यात आलेला आरोपी मनोज रमेश साने (वय 56 वर्ष) याने दावा केला आहे की, 32 वर्षीय सरस्वती वैद्य हिने 3 जून रोजी आत्महत्या केली होती. पण आपल्यावर गुन्हा दाखल होईल या भीतीने त्याने मृतदेहाची विल्हेवाट लावण्याचा प्रयत्न केला. यानंतर त्याने स्वत: देखील आत्महत्येचा विचार केल्याचं पोलिसांना जबाबात सांगितले.
पूछताछ के दौरान आरोपी(मनोज साने) ने पुलिस को बताया कि सरस्वती वैद्य ने 3 जून को आत्महत्या कर ली थी। वह डर गया था कि उस पर उसकी हत्या का आरोप लगाया जाएगा, इसलिए उसने उसके शरीर को ठिकाने लगाने का फैसला किया। उसने पुलिस को बताया कि उसने उसके शरीर के टुकड़े किए और बदबू से बचने के लिए…
— ANI_HindiNews (@AHindinews) June 9, 2023
हे वाचलं का?
ADVERTISEMENT
‘मी HIV पॉझिटिव्ह, कधीही सरस्वतीसोबत लैंगिक संबंध नाही’
चौकशीदरम्यान सानेने जो जबाब दिला त्याची आता पोलीस पडताळणी करत आहे. पोलिसांनी सांगितले की, इलेक्ट्रिक ट्री कटरने मृतदेहाचे छोटे तुकडे केल्यानंतर, सानेने त्याचे काही भाग प्रेशर कुकरमध्ये उकळले आणि सहज विल्हेवाट लावण्यासाठी गॅसवर भाजले देखील. एका अधिकाऱ्याने सांगितले की, त्याने हे तुकडे स्वयंपाकघरात बादल्या, टब, कुकर आणि इतर भांडीमध्ये ठेवले होते ते तुकडे इतके लहान केले होते की पोलिसांना ते मोजताही आले नाहीत.
हे ही वाचा >> Mira Road: ‘मी वेब सीरिजमध्ये पाहिलं होतं…’ मनोज सानेच्या शेजाऱ्याचा हादरवून टाकणारा खुलासा
पोलिसांनी आयपीसी कलम 302 (खून) आणि 201 (पुरावा नष्ट करणे) अंतर्गत गुन्हा दाखल केला आहे. मीरा-भाईंदर वसई विरार पोलिसांचे डीसीपी जयंत बजबाळे म्हणाले की, “त्याला ठाण्यातील न्यायालयात हजर केले असता 16 जूनपर्यंत पोलिस कोठडी सुनावली आहे.” वरिष्ठ अधिकारी म्हणाले, “प्राथमिक चौकशीदरम्यान साने यांनी पोलिसांना सांगितले की, 2008 मध्ये तो एचआयव्ही पॉझिटिव्ह असल्याचे त्याला समजले. तेव्हापासून तो औषधोपचारावर आहे.”
ADVERTISEMENT
यावेळी साने एचआयव्ही पॉझिटिव्ह कसा झाला हे देखील त्याने पोलिसांना सांगितलं. याबाबत एका वरिष्ठ अधिकाऱ्याने सांगितले की, साने याला असा संशय आहे की, काही वर्षांपूर्वी त्याचा एक अपघात झाला होता. ज्यामध्ये तो गंभीररित्या जखमी झाला होता. यावेळी त्याच्यावर जे उपचार करण्यात आले त्यामध्ये संसर्ग झालेल्या रक्ताचा वापर करण्यात आला. ज्यामुळे तो देखील एचआयव्ही पॉझिटिव्ह झाला.
ADVERTISEMENT
‘सरस्वती खूप संशयी होती, उशिरा आल्यावर ती नेहमी संशय घ्यायची’
या अधिकाऱ्याने सांगितले की, मनोज सानेने पोलिसांसमोर दिलेल्या कबुलीनुसार, सरस्वती ही खूपच पझेसिव्ह होती आणि ती त्याच्यावर अनेकदा संशय देखील घेत असे. सानेने असंही सांगितलं की, सरस्वती ही दहावीच्या परीक्षेची तयारी करत होती आणि साने तिला गणिताचा अभ्यास शिकवत होता. अधिकाऱ्याने सांगितले की, सानेच्या फ्लॅटमधील एका भिंतीवर एक बोर्ड दिसला, ज्यावर गणितीय समीकरणे लिहिलेली होती.
हे ही वाचा >> किचनमधली दृश्य पाहून पोलिसांचीही तंतरली, मीरा रोड हत्याकांडाची FIR जशीच्या तशी!
अधिकाऱ्याने सांगितले की, आरोपीने पोलिसांसमोर दिलेल्या कबुलीजबाबनुसार, लिव्ह-इन पार्टनर असलेली सरस्वती ही स्वभावाने खूपच संशयखोर होती आणि तिला संशय होता की मनोज जेव्हाही उशिरा घरी परततो तेव्हा तो कोणासोबत तरी असतो.
यामुळे आता पोलीस याच सगळ्या बाजूने या संपूर्ण प्रकरणाचा तपास करत आहे. पोस्टमार्टम अहवाल आल्यानंतर याबाबतची नेमकी माहिती समोर येऊ शकणार आहे.
ADVERTISEMENT