मुंबईतली डेंजरस क्राईम स्टोरी! पतीला रोज थोडं थोडं मारणाऱ्या पत्नीबद्दल समोर आल्या हादरवणाऱ्या गोष्टी
तिला असा खून करायचा होता जो खून वाटू नये. ही ओळ वाटून तुम्हाला वाटेल की आम्ही तुम्हाला एखाद्या सिनेमाची वगैरे स्टोरी तर सांगत नाही ना? पण हे सगळं आपल्या मायानगरीत म्हणजेच मुंबईत घडलं आहे. एका महिलेने तिच्या पतीला रोज थोडं थोडं संपवलं. तिचा पती गेला.. त्याचे ब्लड रिपोर्ट पाहून डॉक्टरांना संशय आला नसता तर हा […]
ADVERTISEMENT
तिला असा खून करायचा होता जो खून वाटू नये. ही ओळ वाटून तुम्हाला वाटेल की आम्ही तुम्हाला एखाद्या सिनेमाची वगैरे स्टोरी तर सांगत नाही ना? पण हे सगळं आपल्या मायानगरीत म्हणजेच मुंबईत घडलं आहे. एका महिलेने तिच्या पतीला रोज थोडं थोडं संपवलं. तिचा पती गेला.. त्याचे ब्लड रिपोर्ट पाहून डॉक्टरांना संशय आला नसता तर हा खून मृत्यू म्हणून पचला असता. पण तसं झालं नाही. या खुनाला वाचा फुटलीच.
नेमकी काय घडली घटना?
एका व्यक्तीच्या अचानक पोटात दुखू लागलं. त्यानंतर त्याला या वेदना असह्य होऊ लागल्या ज्यामुळे त्याला रूग्णालयात दाखल करण्यात आलं. ज्यानंतर त्याच्या हृदयाचे ठोके वाढले. तसंच हळूहळू त्याचे अवयव निकामी होऊ लागले आणि त्याचा मृत्यू झाला. मात्र या व्यक्तीचा मृत्यू हा काही सामान्य नव्हता. यामागे एक नियोजनबद्ध पद्धतीने केलेला कट होता. सात महिने हा कट रचला गेला आणि दोन महिने तो अंमलात आणून या व्यक्तीला मारलं गेलं. प्रेम, धोका आणि विश्वासघाताची ही कहाणी चक्रावून टाकणारी आहे.
२४ ऑगस्ट २०२२ ला काय घडलं?
२४ ऑगस्ट २०२२ ला मुंबईत कपड्यांचा व्यवसाय करणाऱ्या कमलकांत शाह यांच्या पोटात अचनाक दुखू लागलं. आधी त्यांच्या घरातल्यांना वाटलं की हे काहीतरी खाल्लं असेल म्हणून पोटात दुखत असेल. कमलकांत शाह डॉक्टरकडे गेले. डॉक्टरांनी त्यांचं दुखणं तपासलं आणि गोळ्या दिल्या. त्यांना औषधं घेऊन आराम करण्याचा सल्ला दिला. मात्र कमलकांत यांना बरं वाटण्याऐवजी त्यांचं दुखणं वाढलं.
१९ सप्टेंबर २०२२ ला काय घडलं?
सप्टेंबर महिन्यात कमलकांत यांना रूग्णालयात दाखल करण्यात आलं होतं. १-२ तारखेच्या दरम्यान त्यांना दाखल करण्यात आलं. पण १९ सप्टेंबर २०२२ ला मल्टि ऑर्गन फेल्युअरमुळे ४६ वर्षीय कमलकांत यांचा मृत्यू झाला.
हे वाचलं का?
