chandrapur : बायको सोडून गेली! बापाचं हादरवून टाकणारं कृत्य, मुलाचा…
चंद्रपूर तालुक्यातील राजोळी गावात बापाने मुलाची हत्या करून आत्महत्येचा प्रयत्न केला. पत्नी घर सोडून गेल्यामुळे त्याने हे कृत्य केलं.
ADVERTISEMENT
महाराष्ट्रातील चंद्रपूर जिल्ह्यात एक हादरवून टाकणारी घटना समोर आली आहे. बायको सोडून गेल्यामुळे आलेल्या तणावातून बापाने तीन वर्षाच्या मुलाची गळा दाबून हत्या केली. त्यानंतर चाकून स्वतःवर वार करून आत्महत्या करण्याचा प्रयत्न केला. हे कृत्य करण्यापूर्वी आरोपीने सुसाईड नोट लिहिली. या प्रकरणाचा तपास आता पोलीस करत आहेत. (father killed son in Chandrapur, Maharashtra News)
ही घटना घडली चंद्रपूर जिल्ह्यातील राजोळी गावात. रविवारी पहाटे पाच वाजता मद्यधूंद अवस्थेत असलेल्या बापाने पोटच्या तीन वर्षाच्या मुलाचा गळा घोटला. त्यानंतर स्वतःच्या गळ्यावर चाकूने वार करून आत्महत्या करण्याचा प्रयत्न केला.
हत्या करण्यात आलेल्या तीन वर्षीय मुलाचं नाव प्रियांश गणेश चौधरी असं आहे. तर हत्या करणाऱ्याचं नाव गणेश विठ्ठल चौधरी (वय 31) असं आहे.
मुलाची हत्या करण्यापर्यंत प्रकरण का गेलं?
31 वर्षीय गणेश विठ्ठल चौधरी पत्नी काजल आणि मुलगा प्रियांशसोबत राजोळीमध्ये राहत. मिळालेल्या माहितीनुसार गणेशला व्यसन जडलेलं आहे. हनुमान जयंतीच्या दिवशी त्याने मद्यप्राशन करून पत्नीला मारहाण केली. त्यामुळे पत्नी घर सोडून निघून गेली.
हे वाचलं का?
