आधी स्वत: लंडनला पळाला, आता कुख्यात गुंड निलेश घायवळच्या कुटुंबातील सदस्यही फरार; मोठी अपडेट समोर

Pune Crime News : काही दिवसांपूर्वी पुण्यातील कुख्यात गुंड निलेश घायवळ बनावट पासपोर्ट बनवून लंडनला पळाल्याची माहिती समोर आला होती. दरम्यान, आता त्याच्या कुटुंबातील सदस्य देखील फरार झाले आहेत. निलेश घायवळचा भाऊ दोन मुलं आणि बायको घरात नसल्याची माहिती पोलिसांनी दिली आहे. निलेश घायवळच्या पुण्यातील आणि नगर जिल्ह्यातील घरातून नातेवाईक गायब झाले आहेत. निलेश घायवळ मोक्का अंतर्गत कारवाई केल्यानंतर पुणे पोलिसांकडून दोन्ही ठिकाणी नातेवाईकांचा शोध सुरू आहे. निलेश घायवळ परदेशी गेला असून त्याच्या बनावट पासपोर्टचा तपास पोलीस करत आहेत. बनावट पत्ता देऊन फसवणूक केल्याप्रकरणी निलेश घायवळवर पोलीस गुन्हा दाखल करण्याची शक्यता आहे. या अगोदर गाडीवर बनावट नंबर वापरला आणि मोका अंतर्गत निलेश घायवळ कोथरूड पोलीस स्टेशनमध्ये गुन्हा दाखल करण्यात आला होता.