The Habitat Studio : कुणाल कामरा, इंडियाज् गॉट लॅटेंटमुळे वाद, 'द हॅबिटॅट स्टुडिओ' नेमका आहे तरी कुणाचा?
Kunal Kamra Controversy: कुणाल कामरा यांच्या वक्तव्यावरून रविवारी रात्री शिवसेनेच्या (शिंदे गटाच्या) नेत्याने हॅबिटॅट स्टुडिओची तोडफोड केली. यापूर्वीही हा कॅफे अनेकदा वादात सापडला.
ADVERTISEMENT
बातम्या हायलाइट
द हॅबिटॅट स्टुडिओ अनेकदा वादात
इंडियाज् गॉट लॅटेंट, कुणाल कामरा शोसारखे अनेक वाद
शिवसैनिकांकडून जिथे तोडफोड झाली, तो स्टुडिओ कुणाचा?
The Habitat Studio : मुंबईतील एका हॉटेलच्या पहिल्या मजल्यावर द हॅबिटॅट हा स्टुडिओ आहे. संगीत, स्टँडअप कॉमेडी, कविता आणि यांसारख्या कार्यक्रमांसाठी 55-70 आसनक्षमता असलेलं ठिकाण आहे. हे तेच ठिकाण आहे जिथे स्टँड-अप कॉमेडियन कुणाल कामराचा कार्यक्रम शूट करण्यात आलं होतं. ज्या दरम्यान त्यानं महाराष्ट्राचे उपमुख्यमंत्री एकनाथ शिंदे यांच्याबद्दल अपमानास्पद टिप्पणी केल्याचा आरोप आहे.
हॅबिटॅटमधील कार्यक्रम आणि वादाचं समीकरण
मुंबईतील खारमध्ये एका आलिशान परिसरातील हॉटेल युनिकॉन्टिनेंटलमधील हे ठिकाण आहे. गौरव कपूर, शौर्य त्यागी, सोनाली ठक्कर, बिस्वा कल्याण रथ आणि कनीज सुरका यांसारखे स्टँडअप कॉमेडियन्स इथे कार्यक्रम आयोजित करतात.
हे तेच ठिकाण आहे, जिथे वादग्रस्त ठरलेल्या 'इंडियाज गॉट लेटेंट' कार्यक्रमाचंही शूट झालं होतं. रणवीर अलाहाबादियाच्या पालकांच्या खासगी आयुष्यावरील विधानावरून झालेल्या मोठ्या वादानंतर 'इंडियाज गॉट लेटेंट'चे निर्माते समय रैना यांनी कार्यक्रम बंद केला.
त्या प्रकरणात अपूर्व मखीजा, युट्यूबर्स आशिष चंचलानी, रणवीर अलाबाडिया, समय रैना आणि शोशी संबंधित इतरांविरुद्ध गुन्हे दाखल करण्यात आले आहेत. त्यानंतर आता द हॅबिटॅट पुन्हा एकदा वादाच्या केंद्रस्थानी आहे.
द हॅबिटॅट कुणाच्या मालकीचं आहे?
'इंडियाज गॉट लेटेंट'चे निर्माते आणि शोचे परीक्षक बलराज सिंग घई यांच्या मालकीचं हे ठिकाण आहे. त्यांच्या इंस्टाग्राम बायोमध्ये असं म्हटलं आहे की, मला असे लोक खूप आवडतात जे प्रतिभेचा वापर मूर्खपणासाठी करतात"
हे वाचलं का?
