Crime : मुलीला पाण्याच्या टाकीवर नेऊन गँगरेप, काँग्रेस आमदाराच्या…

मध्यप्रदेशच्या ग्वाल्हेरमध्ये ही धक्कादायक घटना घडली आहे. अॅडिशनल एसपी निरंजन शर्मा यांनी दिलेल्या माहितीनूसार, मोतीझील परिसरात राहणाऱ्या 17 वर्षीय अल्पवयीन मुलीची वर्षभरापूर्वीच सोशल मीडियावर सरविंद कुशवाहसोबत मैत्री झाली होती. या मैत्रीनंतर सरविंद कुशवाहने त्याच्या चार साथीदारासह 21 नोव्हेंबरला अल्पवयीन मुलीचे अपहरण केले. या अपहरणानंतर तिला जुन्या छावणीच्या मोतीझील येथील पाण्याच्या टाकीवर नेण्यात आले. त्यानंतर आरोपींनी तिच्यावर सामूहिक बलात्कार केला. या बलात्कारानंतर तिला बेदम मारहाण करून तिला जीवे मारण्याची धमकी दिली होती.

हे ही वाचा : Chhagan Bhujbal : शिंदेंच्या मंत्र्याने भुजबळांना सुनावलं; म्हणाले, “कुणबी प्रमाणपत्र रद्द…”

या संपूर्ण घटनेनंतर अल्पवयीन पीडितेने पोलिसात दाखल होऊन अपहरण आणि बलात्काराची तक्रार दाखल केली. या तक्रारीनंतर छावणी ठाणे पोलिसांनी सरविंद कुशवाह, रामू कुशवाह, छोटे खान आणि एका अज्ञात आरोपीसह चौघांवर 363, 366, 376, 377,323,294,506, 34 आणि एससी एसटी कायद्यांतर्गत एफआयआर नोंदवण्यात आला आहे.

या आरोपींपैकी दोन सरविंद कुशवाह आणि रामू कुशवाह हे सुमावली विधानसभेतील काँग्रेस आमदार अजब सिंह कुशवाह यांचे नातेवाईक असल्याचेही सांगण्यात येत आहे. अतिरिक्त एसपी निरंजन शर्मा यांनीही आरोपी काँग्रेस आमदाराचे नातेवाईक असल्याचे मान्य केले आहे. सध्या पोलीस या संपूर्ण प्रकरणाचा तपास करत आहेत.

हे ही वाचा : Crime : संध्याकाळी मित्रांसोबत केक कापला, सकाळी सापडला मृतदेह; तरूणासोबत बर्थडे पार्टीत…

तरुणीने पोलिस ठाण्यात येऊन तक्रार दाखल केली आहे. तिच्या सोशल मीडियावरील मित्राने चार जणांसह तिला मोतीझिल पाण्याच्या टाकीजवळ नेले आणि तिच्यावर सामूहिक बलात्कार केला. या घटनेप्रकरणी एफआयआर नोंदवण्यात आला आहे. तसेच मुलीची वैद्यकीय तपासणी करण्यात आली आहे, असे एएसपी निरंजन शर्मा यांनी सांगितले आहे.