हे ही वाचा : विवाहित पोलिसासोबत लिव्ह-इन; वाद होताच सर्व्हिस रिव्हॉल्वर घेतली अन्..., तरुणीचा टोकाचा निर्णय

परीक्षेसाठी बाहेर पडली होती

ही माणुसकीला काळिमा फासणारी अत्यंत संतापजनक घटना आहे. एका 14 वर्षीय अल्पवयीन विद्यार्थिनीवर सामूहिक बलात्कार झाल्याने संपूर्ण जिल्ह्यात खळबळ उडाली आहे. गुरुवारी सकाळी 10.30 च्या सुमारास ही विद्यार्थिनी आपल्या मैत्रिणीसोबत इयत्ता आठवीची पूर्व-बोर्ड परीक्षा देण्यासाठी घराबाहेर पडली होती. वाटेत दोन दुचाकींवरून आलेल्या चार नराधमांनी या दोन्ही विद्यार्थिनींना अडवले आणि मैत्रिणीला तिथेच सोडून पीडित मुलीचे जबरदस्तीने अपहरण केले.

जंगलात नेऊन बलात्कार

आरोपींनी या विद्यार्थिनीला काहीतरी नशिल्या पदार्थाचे प्राशन करायला लावून बेशुद्ध केले आणि त्यानंतर तिला जंगलात नेऊन तिच्यावर पाशवी अत्याचार केला. घटनेनंतर ही मुलगी जंगलात बेशुद्धावस्थेत सापडल्याने परिसरात भीतीचे वातावरण पसरले. माहिती मिळताच पोलिसांनी तातडीने घटनास्थळी धाव घेऊन मुलीला मऊगंज येथील रुग्णालयात दाखल केले. नशेत असल्यामुळे आणि मानसिक धक्का बसल्यामुळे गुरुवारी तिची साक्ष नोंदवता आली नव्हती, मात्र प्रकृती स्थिर झाल्यानंतर आता पोलिसांनी चौकशी सुरु केली आहे.