विवाहित प्रियकराने पत्नीसोबत मिळून केली लिव्ह-इन पार्टनरची निर्घृण हत्या; हत्येनंतर डोकं ठेचलं अन् कपडे सुद्धा...
तरुणाने आपल्या पत्नीसोबत मिळून प्रेयसीचा खून केल्याचं वृत्त समोर आलं आहे. इतकेच नव्हे तर, हत्येनंतर मृत तरुणीची ओळख लपवण्यासाठी तिचं डोकं चिरडण्यात आलं आणि मृतदेहावरील कपडे सुद्धा काढण्यात आल्याची माहिती आहे. नेमकं प्रकरण काय?
ADVERTISEMENT
बातम्या हायलाइट
विवाहित प्रियकराने पत्नीसोबत मिळून केली लिव्ह-इन पार्टनरची निर्घृण हत्या
लव्ह ट्रँगलमधून भयानक घटना
Crime News: उत्तर प्रदेशातील गोरखपूर येथे लव्ह ट्रँगलमधून निर्घृण हत्या करण्यात आल्याचं धक्कादायक प्रकरण उघडकीस आलं आहे. येथे तरुणाने आपल्या पत्नीसोबत मिळून प्रेयसीचा खून केल्याचं वृत्त समोर आलं आहे. इतकेच नव्हे तर, हत्येनंतर मृत तरुणीची ओळख लपवण्यासाठी तिचं डोकं चिरडण्यात आलं आणि मृतदेहावरील कपडे सुद्धा काढण्यात आल्याची माहिती आहे. नेमकं प्रकरण काय? सविस्तर जाणून घ्या.
पोलिसांच्या माहितीनुसार, आरोपीने आपल्याच लिव्ह इन पार्टनरची निर्घृण हत्या केली. संबंधित आरोपी विवाहित असून त्याला तीन मुलं देखील आहेत.
नेमकं काय घडलं?
30 जानेवारी रोजी गोरखपूरच्या पीपीगंज पोलीस स्टेशन परिसरात एका महिलेचा मृतदेह आढळला. तिचे डोकं ठेचलं होतं आणि तिच्या शरीरावर कपडे देखील नव्हते. त्यामुळे मृतदेहाची ओळख पटवणं अवघड होतं. ही महिला जवळपास 35 वर्षांची होती. पोलिसांनी सीसीटीव्ही फुटेज तपासलं तेव्हा त्यात एक ऑटोचालक दिसला. चौकशीदरम्यान, त्याने दोन महिला आणि एक पुरूष अशा तीन लोकांना आणल्याचं सांगितलं. तिघेही मद्यधुंद अवस्थेत होते. रिक्षाचालकाने दिलेल्या माहितीच्या आधारे, पोलीस आरोपींपर्यंत पोहोचले.
मिळालेल्या माहितीनुसार, आरोपी विजय साहनी हा मुंबईतील एका खाजगी विमा कंपनीत काम करत होता. 2012 मध्ये तो कामानिमित्त पहिल्यांदा प्रिया शेट्टी नावाच्या महिलेशी भेटला. त्यानंतर, त्यांची जवळीक वाढत गेली आणि तो प्रियासोबत लिव्ह-इन रिलेशनशिपमध्ये राहू लागला. दरम्यान, दोघांनीही एका मंदिरात लग्न केलं. प्रियाला 13 ते 14 वर्षांचा एक मुलगाही होता. मुलाच्या जन्मानंतर दोघांच्या नात्यात दुरावा निर्माण झाला. दरम्यान, तो प्रियापासून वेगळा झाला आणि त्याने मुंबईतील न्यायालयात घटस्फोटासाठी याचिकाही दाखल केली होती.
हे वाचलं का?
