बाऊन्सरवर जडला जीव

या विवाहित सुखद संसारात गोपालचा मित्र आणि बाउंसर असलेला योगेंद्र याची एन्ट्री झाल्यानंतर दुरावा निर्माण झाला. योगेंद्र गोपालच्या अनुपस्थितीतही घरी येऊ लागल्याने पती-पत्नीमध्ये सतत वाद होऊ लागले आणि वाद विकोपाला गेल्याने गोपाल अनेक महिने गावी गेला नाही. या कौटुंबिक कलहातूनच काजलने योगेंद्रच्या साथीने गोपालला कायमचे संपवण्याचा कट रचल्याचा पोलिसांना संशय आहे.

हे ही वाचा : पतीच्या डोळ्यादेखत वाघाने पत्नीवर केला हल्ला, नवरा बघतच राहिला अन्..

अशी केली हत्या

13 ऑक्टोबर रोजी काजल मुलांसह फरीदाबादला पोहोचली आणि तिने दुसऱ्या दिवशी योगेंद्रलाही तिथे बोलावून घेतले. 14 आणि 15 ऑक्टोबरच्या मध्यरात्री मद्याच्या नशेत गावी परतलेल्या गोपालवर, तो गाढ झोपेत असताना काजलने भाजी कापण्याच्या चाकूने गळ्यावर वार करून त्याची हत्या केली. त्यानंतर घरात चोर घुसल्याची खोटी कहाणी रचून पोलिसांची दिशाभूल करण्याचा प्रयत्न करण्यात आला.

हे ही वाचा : Govt Jobs : केंद्रीय वखार महामंडळात विविध पदांसाठी भरती, 90 हजारांहून अधिक पगार

दोघांना अटक, मुलीचा सहभाग?

फरीदाबाद पोलिसांनी कसून चौकशी केल्यानंतर काजल आणि तिचा प्रियकर योगेंद्र यांचा या हत्येतील सहभाग उघडकीस आला असून पोलिसांनी दोघांनाही अटक केली आहे. दरम्यान, गोपालच्या भावाने त्याच्या मुलीवरही संशय व्यक्त केला होता, मात्र पोलिसांच्या प्राथमिक तपासात तिचा कोणताही सहभाग आढळला नाही. काजल गोपालपासून सुटका करून योगेंद्रशी लग्न करण्यास इच्छूक होती का, याबाबत पोलीस सध्या अधिक तपास करत आहेत.