Yashashree Shinde : 15 वर्षाची असताना अत्याचार; यशश्रीचा हालहाल करून घेतला जीव!
Yashashree shinde news in marathi : उरणमध्ये राहणाऱ्या आणि बेलापूरमध्ये नोकरी करणाऱ्या यशश्री शिंदे या तरुणीची हत्या करण्यात आली. तिच्या हत्येबद्दल नवी माहिती समोर आली.
ADVERTISEMENT
बातम्या हायलाइट
यशश्री शिंदेचा मृतदेह रक्ताच्या थारोळ्यात होता पडलेला
यशश्री शिंदेवर दाऊद शेखने केले होते अत्याचार
2018 मध्ये ओढले होते प्रेमाच्या जाळ्यात
Yashashree shinde news in marathi : उरणच्या गल्लीबोळात 20 वर्षीय यशश्री शिंदेच्या हत्येने संतापाच्या लाटा उसळत आहेत. 25 जुलै रोजी बेपत्ता झालेल्या यशश्रीचा 26 जुलै रोजी मध्यरात्री एका पेट्रोल पंपाजवळील झाडाझुडपात मृतदेह सापडला. यशश्रीच्या हत्येप्रकरणात दाऊद शेख प्रमुख आरोपी आहे. या घटनेनंतर दाऊदने यशश्रीचा किती छळ केला याची माहिती समोर आली आहे. (Yashshree Shinde was raped by Dawood Sheikh)
20 वर्षीय यशश्री शिंदे वाणिज्य शाखेतून शिक्षण घेत होती. त्याचबरोबर ती बेलापूर येथील एका खासगी कंपनीत काम करत होती. 25 जुलै रोजी ती घराबाहेर पडली. त्यानंतर तिचा संपर्कच तुटला. मोबाईल बंद लागत होता. त्यामुळे कुटुंबियांच्या मनात शंकेची पाल चुकचुकली आणि यशश्रीचा शोध सुरू झाला.
यशश्रीचा शोध घेत असताना पोलिसांना आला कॉल
25 जुलै रोजी रात्री यशश्रीच्या कुटुंबियांनी तक्रार दाखल केल्यानंतर पोलिसांनी तिचा शोध सुरू केला होता. त्यानंतर शुक्रवारी रात्री उरण पोलीस ठाण्याच्या एक पथकाला कॉल आला. त्या कॉलनंतर पोलिसांनी कोटनाका परिसरातील घटनास्थळाकडे धाव घेतली.
रक्ताच्या थारोळ्यात पडलेला होता यशश्रीचा मृतदेह
पोलीस घटनास्थळी गेले तेव्हा त्यांना दिसले की, एका तरुणीचा मृतदेह रक्ताच्या थारोळ्यात पडलेला आहे. मृतदेहावर असंख्य जखमा झालेल्या होत्या. कुत्रे मृतदेहाचे लचके तोडत होते. कुत्र्यांनी मुलीचा चेहराही लचके तोडून विद्रूप केला होता. खांद्यावरील मांसही कुत्र्यांनी खाल्लं होतं.
हे वाचलं का?
