Lok Sabha Election 2024: 'अंबानी-अदाणी टेम्पोतून पैसे देतात हा काय तुमचा...', राहुल गांधींचा मोदींना बोचरा सवाल!
Rahul Gandhi vs PM Modi: अंबानी आणि अदाणी यांच्याकडून काँग्रेस किती पैसा घेत आहे? असा सवाल करणाऱ्या पंतप्रधान मोदींना काँग्रेस नेते राहुल गांधींनी प्रत्युत्तर दिलं आहे. जाणून घ्या राहुल गांधी नेमकं काय म्हणाले.
ADVERTISEMENT
Rahul Gandhi on Ambani-Adani: मुंबई: 'राहुल गांधींनी निवडणूक जाहीर होताच अदाणी-अंबानी यांचं नाव घेणं का बंद केलं? तुम्ही काळा पैसा किती पोती गमावला? टेम्पो भरून नोटा काँग्रेसपर्यंत पोहोचल्या आहेत का?' असं भुवया उंचावणारं वक्तव्य पंतप्रधान नरेंद्र मोदी यांनी आज (8 मे) तेलंगणातील जाहीर सभेत केलं. ज्याला आता काँग्रेस नेते राहुल गांधी यांनी तशाच स्वरुपाचं उत्तर दिलं आहे. (lok sabha election 2024 is it your personal experience that ambani adani sending money through tempo rahul gandhi asked pm modi a direct question)
जाहीर सभेत बोलताना पंतप्रधान नरेंद्र मोदींनी पहिल्यांदा अदाणी आणि अंबानी यांचा उल्लेख केला. एवढंच नव्हे तर त्यांच्याकडून किती पैसा राहुल गांधींना आला? असा सवालही त्यांनी विचारला. ज्याला राहुल गांधींनी ट्विटरवर व्हिडीओ शेअर करून तात्काळ उत्तर दिलं आहे.
'अंबानी-अदाणी टेम्पोतून पैसे देतात. हा काय तुमचा स्वत:चा अनुभव आहे का?' असा बोचरा सवाल विचारत राहुल गांधींनी या मुद्द्यावर पंतप्रधान मोदींनाच घेरण्याचा प्रयत्न केला आहे. राहुल गांधी पुढे असंही म्हणाले की, 'सीबीआय-ईडीला यांच्याकडे पाठवा ना.. अजिबात घाबरू नका मोदीजी.'
पाहा राहुल गांधी नेमकं काय म्हणाले..
'नमस्कार मोदीजी आपण घाबरलात का? सहसा तुम्ही बंद दाराआड तुम्ही अंबानी-अदाणींबाबत बोलता.. पहिल्यांदा तुम्ही जाहीररित्या अंबानी-अदाणी बोलले..'
हे वाचलं का?
