Lok Sabha 2024 : "भाजपला बहुमत मिळणं कठीण", चव्हाणांनी सांगितलं 'इंडिया' किती जिंकेल जागा?
Prithviraj Chavan : माजी मुख्यमंत्री पृथ्वीराज चव्हाण यांनी लोकसभा निवडणुकीच्या निकालाबद्दल मोठं भाकित केलं.
ADVERTISEMENT
बातम्या हायलाइट
पृथ्वीराज चव्हाण यांचे लोकसभा निवडणुकीबद्दल भाकित
भाजपला बहुमत मिळवणे कठीण आहे -पृथ्वीराज चव्हाण
इंडिया आघाडीला किती मिळू शकतात जागा?
Prithviraj Chavan Lok Sabha election 2024 : सलग दहा वर्षे सत्तेत असलेले भाजपप्रणित एनडीए तिसऱ्यांदा सत्तेत येणार की विरोधी बाकांवर बसावं लागणार, याबद्दल वेगवेगळे अंदाज व्यक्त होत आहेत. अशात राज्याचे माजी मुख्यमंत्री पृथ्वीराज चव्हाण यांनी निकालाबद्दल मोठी भविष्यवाणी केली आहे. भाजपला पुन्हा बहुमत मिळणं कठीण असल्याचे सांगतानाच त्यांनी यामागची कारणेही सांगितली आहेत. (Prithviraj Chavan, Former chief minister of maharashtra has predicted that it will be difficult for BJP to get majority again)
पृथ्वीराज चव्हाण यांनी 'लोकसत्ता' वृत्तपत्राला मुलाखत दिली. त्या मुलाखतीत त्यांनी भाजपला बहुमत मिळणे का कठीण आहे, याबद्दलची काही कारणेही सांगितली आहेत.
Lok Sabha Election 2024 : पृथ्वीराज चव्हाण यांनी निकालाबद्दल काय केली भविष्यवाणी?
चव्हाण म्हणाले की, "पंतप्रधान मोदी यांनी केलेल्या घोषणा त्यांच्याच अंगलट आल्या आहेत. भाजपला साध्या बहुमताचा २७२ चा आकडा गाठणेही अवघड झालेले असून, केंद्रात सत्ताबदलाची शक्यता स्पष्टपणे दिसत आहे", असा दावा करतानाच "महाराष्ट्रात महाविकास आघाडीला ३२ ते ३५ जागा मिळण्याची शक्यता आहे", असे भाकित त्यांनी केले.
हेही वाचा >> "आमची चूक झाली", उद्धव ठाकरेंबद्दल बोलताना फडणवीसांचं मोठं विधान
"भाजपला पुन्हा सत्ता मिळणे कठीण असल्याचे विविध राज्यांत आढावा घेताना मिळालेल्या माहितीवरून स्पष्ट होते. देशात सध्या भाजपच्या विरोधात वातावरण अनुभवास येत आहे. महाराष्ट्रातही चित्र वेगळे नाही", असे चव्हाण म्हणाले.
हे वाचलं का?
